Чад: Најмалку 40 војници загинаа во напад на воена база
Неидентификувани напаѓачи убиле најмалку 40 војници за време на ноќен напад на воена база на западот на земјата, објави претседателството на северноафриканската држава Чад, јави агенцијата „Асошиејтед Прес“.
Претседателот Махамат Деби Итно рано утрото на 28 октомври ја посети базата во Баркарам, остров во регионот на езерото Чад и најави почеток на воена операција за пронаоѓање на напаѓачите.
Чад долго време се бори со бунт во западниот дел на земјата, во близина на границата со Нигерија.
Не е познато кој стои зад нападот, но владата ја обвини милитантната група Боко Харам за претходните напади во регионот.
Во март, во напад за кој владата ја обвини Боко Харам, загинаа седум војници, што ги оживеа стравувањата од насилство во регионот на езерото Чад по период на мир и успешна операција што армијата на Чад ја започна во 2020 година за уништување на базите на екстремистичката група.
Боко Харам, која пред повеќе од една деценија започна бунт против западното образование, се обидува да воспостави исламски закон во североисточна Нигерија.
Чад, земја со речиси 18 милиони жители, беше тешко погодена од политичките превирања пред и по контроверзните претседателски избори кои резултираа со победа на Деби Итно. Тој ја водеше земјата како привремен претседател за време на периодот на воено владеење што следуваше по смртта на неговиот татко во 2021 година.
Претседателот Махамат Деби Итно рано утрото на 28 октомври ја посети базата во Баркарам, остров во регионот на езерото Чад и најави почеток на воена операција за пронаоѓање на напаѓачите.
Чад долго време се бори со бунт во западниот дел на земјата, во близина на границата со Нигерија.
Не е познато кој стои зад нападот, но владата ја обвини милитантната група Боко Харам за претходните напади во регионот.
Во март, во напад за кој владата ја обвини Боко Харам, загинаа седум војници, што ги оживеа стравувањата од насилство во регионот на езерото Чад по период на мир и успешна операција што армијата на Чад ја започна во 2020 година за уништување на базите на екстремистичката група.
Боко Харам, која пред повеќе од една деценија започна бунт против западното образование, се обидува да воспостави исламски закон во североисточна Нигерија.
Чад, земја со речиси 18 милиони жители, беше тешко погодена од политичките превирања пред и по контроверзните претседателски избори кои резултираа со победа на Деби Итно. Тој ја водеше земјата како привремен претседател за време на периодот на воено владеење што следуваше по смртта на неговиот татко во 2021 година.