د طالبانو د حکومت مشر په یو تازه فرمان کې په ټول افغانستان کې د بنګو کښت منع اعلاه کړی دی. په دې فرمان کې راغلي چې له دې وروسته هیڅوک په خپلو کروندو کې د بنګو د کښت اجازه نه لري او که د هرچا په ځمکو کې دا کښت ولیدل شي له لمنځه به یوړل شي.
ټاکل شوې ده چې د اوکراین پلوه اروپایي هیوادو چارواکي نن د امریکا له استازیو سره وګوري او په اوکراین کې د نژدې څلور کلنې جګړې د پای ته رسیدو پر لارو چارو خبرې وکړي.
د کابل په سروبي ولسوالي کې د دوه ویشت اعشاریه پنځه اویا میګاواټه لمریزې بریښنا شبکه فعاله شوه. د افغانستان برېښنا شرکت نن د سروبي په نغلو کې د یو لړ مراسمو په ترڅ کې د لمریزې بریښنا دا شبکه پرانیسته. د بریښنا شرکت اجراییوي رییس عبدالباري عمر وویل، دا پروژه دوې برخې لري چې یوه یې د بریښنا د تولید ده او بله یې د بریښنا د لیږد ده. پر دې پروژې اتلس میلیونه ډالر لګښت شوی دی.
د طالبانو د کانونو او پترولیم وزارت اعلان وکړ چې د تخار ولایت په چاه اب ولسوالي کې د ځایي خلکو او د سرو زرو د کانونو د یوه شرکت ترمنځ د وروستۍ نښتې د څېړلو لپاره یو ولایتي پلاوی ټاکل شوی دی. د وزارت ویاند همایون افغان کورنیو رسنیو ته نن سې شنبې وویل چې د دې نښتې له امله هم مرګ ژوبله شته او هم مالي زیانونه رسیدلې دي. د چاه اب ولسوالي یو شمیر اوسیدونکو د دوشنبې په ورځ ادعا وکړه چې د سرو زرو شرکت د دوی په کرنیزو مځکو او د استوګنې په سیمو کې کیندنې کولې چې له امله یې اعتراضونه پيل شول او د نښتو پرمهال لږ تر لږه پنځه تنه ووژل شول. Читать дальше...
د طالبانو مشر ملا هبت الله اخندزاده په خپل نوي فرمان کې د طالب چارواکو په وړاندې د خلکو او رسنیو نیوکې منع اعلان کړي او خبرداری یې ورکړی چې سرغړونکي به له سخت چلند سره مخ شي.
د ایران په بېلابېلو سیمو کې د ولسي اعتراضونو په نهمه شپه، په ټولنیزو شبکو کې د خپرو شوو ویدیوګانو او تصویرونو له مخې، معترضانو د دوشنبې په ماښام په بیرجند، ساري، زنجان، سنقر او څو نورو ښارونو کې مظاهرې وکړې او د ایران د اسلامي جمهوري نظام او چارواکو پر ضد یې شعارونه ورکړل.
د خوست د کرکټ په ملي لوبغالي کې د افغانستان د کرکټ بورډ په چوکاټ کې د وزیر محمد اکبر لومړۍ درجه یو ورځنۍ ولایتي سیالۍ پیل شوې دي. د جنورۍ پر پينځمه په پیل شويو دغو سیالیو کې ټولې ۱۲ لوبډلې برخه لري، چې شپږ يې په خوست او شپږ نورې يې په ننګرهار کې په خپلو کې لوبېږي. د افغانستان د کرکټ بورډ استازي د یادو لوبو هدف د کرکټ پراختیا او د ځوانو استعدادونو د پرمختګ لپاره د زمینو برابرول یادوي.
ټاکل شوې ده چې د اوکراین پلوه اروپایي هیوادو چارواکي نن د امریکا له استازیو سره وګوري او په اوکراین کې د نژدې څلور کلنې جګړې د پای ته رسیدو پر لارو چارو خبرې وکړي. د جرمني خبرې اژانس د راپور له مخې دا غونډه به په پاریس کې وشي او د پنځه ویشت هیوادونو استازي به ګډون پکې وکړي. د امریکا د پلاوي استازیتوب به د امریکا ځانګړی استازی سټو ویټکاف او د ولسمشر ټرمپ زوم جیرید کوشنر وکړي. تمه ده چې د اوکراین ولسمشر ولادیمیر زیلینسکي او د ناټو عمومي منشي مارک روټه هم په دې غونډه کې برخه واخلي. اټکل کیږي چې د... Читать дальше...
په پېښور کې د خيبر پښتونخوا د بلدياتي ادارو استازو د پیسو نه ترلاسه کېدو ضد يو ځل بيا احتجاج کړی دی. تر اوسه صوبايي حکومت د دې راپور تر برابرېدو پورې د بلدياتي استازو غوښتنو ته ځواب نه دی ويلی. تر دې وړاندې هم بلدياتي نمايندګانو د فنډونو د نه شتوالي پر ضد څو وارې احتجاجونه کړي دي او د هغه وخت اعلاوزير علي امين ګنډه پور هغوی ته د پيسو ورکولو ژمنې کړې وې خو احتجاج کوونکي وايي چې تر دې دمه د پرمختيايي کارونو لپاره هېڅ فنډونه نه دي ورکړل شوي.
د بلوچستان په بلوڅ مېشتې پنجګور سيمه کې بمي چاودنې لږترلږه دوه تنه وژلي او ۱۳ نور يې ژوبل کړي دي.د پولیسو یو ځايي مشر د نوم نه ښوولو په شرط مشال راډیو ته وویل چې د جنورۍ پر پینځمه د امنیتي سرتېرو یوه قافله په پنجګور ښار کې پر تېرېدو وه چې په موټر سایکل کې اېښودل شوي بارودي مواد وچاودېدل. پولیس وايي د بمي چاودنې له امله پوځي سرتېرو ته مرګژوبله نه ده اوښتې او یوازې ولسي کسان وژل شوي او ژوبل شوي دي. تر اوسه کومې ډلې د دې بمي چاودنې ذمه واري نه ده منلې. په بلوچستان کې زیاتره وخت بلوڅ بېلتون غوښتونکي... Читать дальше...
د ايران په يو شمېر ښارونو کې د جنورۍ د پينځمې پر شپه هم حکومت مخالفه مظاهرو دوام درلود. د بشري حقونو د تنظيمونو په وینا تر دا دمه د پوليسو لخوا د ډزو په نتيجه کې د وژل شويو مظاهرچيانو شمېر لږترلږه ۳۰ ته رسېدلی دی. دا مظاهرې په ایران کې د پيسو ارزښت کمېدو او د ورځني استعمال د شيانو د بيو لوړېدو پر سر پیل شوې دي.
د طالبانو د صنعت او سوداګرۍ وزارت وایي، په دوه زره پنځه ویشتم کال کې د افغانستان د ټول تجارت ارزښت دیارلس میلیارډه او نهه سوه دوه دیرش میلیونه امریکایي ډالرو ته ورسید. دغهَ وزارت د دوشنبې په ورځ څرګنده کړه چې له ننګونو او د سوداګریزو لارو له لنډمهاله تړل کیدو سره سره په دوه زره پنځه ویشتم کال کې د افغانستان په تجارت کې د وړم کال په پرتله زیاتوالی راغلی دی. د دې زیاتوالي سربیره د نورو کلونو په څیر د افغانستان د تجارت لویه برخه واردات جوړوي. د دوه زره پنځه ویشتم کال صادرات یو اعشاریه څه باندې اته سوه... Читать дальше...
د ملګرو ملتونو د خوړو او کرنې سازمان خبرداری ورکړی چې ښایي سږ کال په افغانستان کې د ژمي په میاشتو کې ورښتونه لږ وشي. د ملګرو ملتو د دې سازمان په وینا داسې وضعیت کولی شي پر کرنه، د اوبو پر سرچینو او د خوراکي شیانو پر خوندیتوب جدي اغیزې وکړي. د ملګرو ملتونو د خوړو او کرنې د سازمان په درې میاشتني راپور کې د تیرکال له ډسمبره د سږکال د فبروري تر وروستیو د خاورې رطوبت کم اټکل شوی، ځکه چې کافي ورښتونه نه دې شوي او نه کیږي. د راپور له مخې، په غرونو کې د واورې ټوټې په تیرو ۲۵ کلونو کې خپلې ټیټې کچې ته رسیدلي،... Читать дальше...
د بلخ د پولیسو د قوماندانۍ چارواکي وايي چې د ولایت له بیلابیلو برخو څخه راټول شوي ۲۰۰ کیلوګرامه انساني ویښتان وسوځول شول. د بلخ د پولیسو د قوماندانۍ مطبوعاتي دفتر د یوې اعلامیې په خپرولو سره د دوشنبې په ورځ وویل چې د جرمي قضیو د څانګې لخوا د ولایت له بیلابیلو برخو څخه دا ویښتان راټول شول. په دې اعلامیه کې راغلې دي چې، دا اقدام د دوی د حکومت د مشر د فرمان پر بنسټ شوی، چې د انساني ویښتانو پیر او پلور د انساني کرامت خلاف ګڼي او په رسمي ډول یې منع کړی دی.
په تخار ولایت کې د سرو زرو د کېندنې ځینو قراردادي شرکتونو پر وړاندې د عامو خلکو اعتراضونه په تاوتریخوالي اوښتي دي. د دغه ولایت د چاه اب ولسوالۍ ځینې اوسېدونکي ادعا کوي چې دا کیندنې د دوی په کرنیزو ځمکو او بېلابېلو مېشتندنې سیمو کې کېدلې چې په غبرګون کې د اعتراضونو په ترڅ کې ځینې ځایي اوسېدونکو ته مرګ ژوبله هم اوښتې ده. خو د طالبانو حکومت تر اوسه په دې اړه څه نه دي ویلي.
ډیلسي روډریګز رسماً د دوشنبې په ورځ د وینزویلا د موقتې ولسمشرې په توګه لوړه وکړه. اغلې روډریګز تر دې مخکې د وینزویلا د ولسمشر مرستیاله او د نفتو وزیره وه. ۵۶ کلنه ډیلسي روډریګز د خپل ورور جورج روډریګز په وړاندې چې د وینزویلا د ملي شورا رییس دی لوړه وکړه. اخوا د وینزویلا لرې شوي جمهور رییس نیکولاس مادورو د دوشنبې په ورځ د مخدره توکو او ترهګرۍ اړوند تورونه رد او ځان یې بیګناه وباله. مادورو چې شنبه سهار وختي د امریکايي ځواکونو له خوا د وینزویلا په کاراکاس کې تر نیول کېدو وروسته امریکا او بیا د نیویارک... Читать дальше...
د افغانستان د ملي مقاومت جبهې په یوه اعلامیه کې ادعا کړې چې طالبانو د دوی د جبهې د یوه قومندان جسد ته سپکاوی کړی. دې جبهې ویلي چې د طالبانو دا کار د انسانیت او شریعت ضد دی او دوی یې په کلکه غندي. دې جبهې په رسمي اعلامیه کې د پېښې جزییات نه دي بیان کړي. خو ځینو رسنیو د مقاومت جبهې په حواله راپور ورکړی چې د طالبانو ځواکونو د ظفر په نوم د یادې جبهې د یوه قومندان جسد په بغلان کې له قبره را ایستلی او بیا یې ډزې پرې کړي دي. ظفر او څو ملګري یې څو ورځې وړاندې له طالبانو سره په نښته اوښتي وو او بیا په یوه غرنۍ سیمه کې ایسار پاتې وو. Читать дальше...
د ایران د بشري حقونو فعالانو ویلي په تېرو نهو ورځو کې لږ تر لږه ۲۹ کسان په مظاهرو کې وژل شوي. هرانا د ایران د بشري حقونو د فعالانو خبري ارګان په یوه مفصل راپور کې د تېرو نهو ورځو د مرګژوبلو او نیول شویو معترضانو په اړه معلومات خپاره کړي. د دغه ارګان د معلوماتو په اساس لږ تر لږه ۶۸ مظاهره چیان ټپيان شوي هم دي. اکثر کسان د امنیتي ځواکونو له خوا په ساچمه يي او پلاستیکي مرمیو هدف ګرځېدلي او ژوبل شوي. په وژل شویو ۲۹ کسانو کې یواځې ۲ تنه د ایران امنیتي ځواکونه دي. د جرمني خبري اژانس د فعالانو په حواله... Читать дальше...