Новости за 22.10.2024

ځينې سرچينې وايي چې، طالبانو نن سه‌شنبه (د عقرب په لومړۍ نېټه) د کابل په ځينو برخو کې کور په کور تالاشي پيل کړه. د خيرخانې سيمې يوه اوسېدونکي چې د امنيتي دلايلو له امله يې نه‌غوښتل نوم يې خپور شي ازادي راډيو ته وويل، د خيرخانې او ۳۱۵ په سيمو کې د طالبانو له لوري کورونه پلټل شوي دي. ځینو کورنیو رسنیو هم په‌دې اړه خبر ورکړی دی؛ خو طالبانو تر اوسه څه نه‌دي ویلي. طالبانو تر دې وړاندې هم په کابل ښار او یوشمېر ولایتونو کې کور په کور تالاشي کړې وه. دا ځل کابل کې کور په کور تالاشي، وروسته له هغې... Читать дальше...

دیني عالمان ولې د نجونو د زده کړو په برخه کې طالبان نه ننګوي؟ دا هغه پوښتنه ده چې ځواب یې د (پوښتنه) خپرونې په دې برخه کې اورو. ملالۍ بشیر د خپرونې په دې برخه کې له دیني عالم فضل الهادي وزین سره خبرې کړي دي.

د کندهار ولايت يوشمېر صنعت‌کاران وايي، له کلونو تېرېدو وروسته لا هم کندهار صنعتي پارک ته دایمي او اساسي برېښنا نه‌ده ورکړل شوې، چې دوی له ګڼو ستونزو سره مخامخ کړي دي. د ښوراندام صنعتي پارک، چې د کندهار ښار په ختیځ کې موقعیت لري، لسګونه تولیدي فابریکې لري چې ډېری یې د عمومي برېښنا پر ځای له برقي جنراتورونو استفاده کوي. د دغه صنعتي پارک صنعت‌کاران له کلونو راهیسې د خپلو فابریکو لپاره د برېښنا د کمښت له ستونزې سره مخامخ دي. د صنعت‌کارانو په وینا، د دایمي او دوامدارې برېښنا نشتون نه یوازې د دوی... Читать дальше...

د ایران پر پوله پر افغان کډوالو د ډزو د اړوندو راپورونو له خپرېدو وروسته، په ګاونډیو هېوادونو کې د دېره افغانانو وضعیت ته یوځل بیا پام واوښت. د ملګروملتونو د کډوالو د لویې کمېشنرۍ UNHCR د روان کال د جون میاشتې د معلوماتو له‌مخې اوس‌مهال په ایران کې شاوخوا ۴،۵ میلیون افغان کډوال استوګن دي، چې په دوی کې ۷۶۱ زره ثبت شوي، شاوخوا نیم میلیون بې‌اسنادو او پاتې په بېلابېلو اسنادو په‌‌دې هېواد کې اوسېږي. د همدې سرچینې د معلوماتو له‌مخې په پاکستان کې ۳،۱ میلیون افغان کډوال دېره دي چې څه باندې ۱،۳ میلیون... Читать дальше...

د افغانستان کرکټ بورډ اداې نن په یوه خبر کې د بنګله‌دېش پر وړاندې درې یو ورځنیو سیالیو ته افغان لوبډله اعلان کړه. کرکټ بورډ ویلي دي چې، دغه درې یو ورځنۍ سیالۍ به د راتلونکې نومبر میاشتې په ۶مه نېټه پیل او تر ۱۱مې نیټې به دوام لري. یادې ادارې دا هم ویلي دي چې، ابراهیم ځدراڼ او مجیب‌الرحمن د خپلو ټپونو له امله لا هم د لوبې جوګه نه‌‌دي، نو ځکه یې نه‌دي غوره کړي. دوه نور افغان لوبغاړي صدیق اتل او نوراحمد چې د سویلي افریقا پر وړاندې لوبلړۍ کې نه و، دې سیالیو ته رابلل شوي دي. په اعلان شوې لوبډله... Читать дальше...

د کډوالو نړیوال سازمان (ايي‌‌او‌ايم) په خپل یوه تازه راپور کې ويلي، په تېرو درې میاشتو کې اووه لکه، ۸۶ زره او ۷۶۹ افغانان له خپل هېواده وتلي دي. ايي‌‌او‌ايم په خپل دغه درې میاشتني راپور کې چې د دوشنبې په ورځ د میزان يا تلې په ٣٠مه یې خپور کړی او د روان زېږدیز کال له جولای تر سپتمبر میاشتې پورې موده یې تر پوښښ لاندې راوستې زیاته کړې چې، په دغه موده کې نږدې نهه لکه، ٧٣ زره او ۶۹۶ تنه نور افغانان بېرته افغانستان ته ستانه شوي هم دي. دې سازمان دا هم ویلي چې، دا شمېرې له ايران او پاکستان سره د افغانستان له ١١ هم‌پولو سيمو راټولې شوې دي. Читать дальше...

د ایران د بهرنیو چارو وزارت یو ځل بیا ټینګار کوي چې، د طالبانو تر واکمنۍ لاندې له افغانستانه د ایران د حق‌ابې د اخیستلو په هڅه کې دي. له افغانستانه د حق‌ابې د ترلاسه کولو په اړه د ایراني چارواکو د پرله‌پسې غوښتنو په دوام، تازه د ایران د بهرنیو چارو وزارت یو ځل بیا اعلان کړی، چې د هلمند له سینده د دغه هېواد بشپړه حق‌ابه له طالبانو اخلي. د ایران د بهرنیو چارو وزارت نوي ویاند اسماعیل بقايي د دوشنبې په ورځ (د تلې په ۳۰مه) په خپله لومړنۍ خبري ناسته کې ویلي، د افغانستان په چارو کې د ایران د ولسمشر... Читать дальше...

د اسیا ایمرجینګ کرکټ جام په ګروپي پړاو کې افغان ابدالیانو خپله وروستۍ لوبه د ۵ وېکټو په توپیر د هانګ کانګ ملي لوبډلې ته وبایلله. دغه سیالۍ چې د عمان په کوربتوب ترسره کېږي، افغان لوبډلمشر د پچې تر ګټلو وروسته توپوهنه غوره کړه. افغان لوبډلې د ټولو لوبغاړو تر سوځېدو وروسته په ۱۹.۵ اورونو کې ۱۳۱ منډې وکړې. په دې سیالۍ کې هم د افغان توپوهونکو له ډلې صدیق الله اتل مخکښ وو، هغه ۵۲ منډې وکړې. دغه راز کریم جنت ۲۱ او نعمان شاه ۲۰ منډې جوړې کړې. د هانګ کانګ په توپ اچوونکو کې بیا انس خان ښه وځلېد چې ۶ افغان... Читать дальше...

د اسیا ایمرجینګ جام په ګروپي پړاو کې افغان ابدالیانو خپله وروستۍ لوبه د ۵ وېکټو په توپیر د هانګ کانګ ملي لوبډلې ته وبایلله. دغه سیالي چې د عمان په کوربه‌توب د کابل پر وخت ماسپښین ۱:۳۰بجه پیل شوې وه افغان لوبډلمشر د پچې تر ګټلو وروسته توپوهنه غوره کړه. افغان لوبډلې د ټولو لوبغاړو تر سوځېدو وروسته په ۱۹.۵ اورونو کې ۱۳۱ منډې وکړې. په‌دې سیالۍ کې هم د افغان توپوهونکو له ډلې صدیق‌الله اتل مخکښ و، هغه ۵۲ منډې وکړې. دغه راز کریم جنت ۲۱ او نعمان شاه ۲۰ منډې جوړې کړې. د هانګ کانګ په توپ اچونکو کې... Читать дальше...

د لبنان حزب‌الله ډله سیمې ته د امریکا د بهرنیو چارو د وزیر له راتګ څخه څو ساعته مخکې پر اسرايیلو د توغندیو برید وکړ. د حزب‌الله ډلې د راکټي برید په ترڅ کې د اسراییلو په ګڼ‌مېشتو سیمو کې د هوایي بریدونو د خطر زنګونه کړنګولي، خو ظاهرا یې ځاني یا مالي زیان نه درلود. د اسرايیلو پوځ ویلي، پنځه توغندي له لبنان څخه پر اسرايیلو وتوغول شول او زیاته کړې یې ده، چې ډېری یې د الوتکو ضد سیسټمونو له‌خوا کشف او له‌منځه وړل شوي او په یوه پراخه ازاده سیمه کې لوېدلي دي. دا راکټي برید په‌داسې حال کې کېږي چې، اسراییلو... Читать дальше...

د افغانستان د والیبال ملي لوبډلې له خپل سیالې تاجکستانۍ لوبډلې نه درې پر دوه ماتې وخوړه. د منځنۍ اسیا د والیبال د سیالیو په دوام کې چې د ازبکستان په پلازمېنه تاشکند کې ترسره کېږي، د افغانستان د والیبال ملي لوبډله په خپله څلورمه سیالۍ کې نن سه‌شنبه د عقرب په لومړۍ نېټه د تاجکستان د والیبال له ملي لوبډلې سره په میدان کې لوبه وکړه. تاجکستان دغه لوبه د درې پر دوه په توپیر سره وګټله. دغه سيالۍ د ازبکستان د تاشکند په ښار کې د منځنۍ اسيا د شپږو ټيمونو په ګډون د زمري د مياشتې په ٢٧مه پيل شوې دي او... Читать дальше...

د لبنان حزب‌الله ډلې نن سهار اعلان وکړ چې، تل‌ابیب ښار ته نږدې دوه مهمې اډې او د حیفا په لوېدیځ کې د سمندري ځواکونو یوه اډه يې په نښه او ویجاړې کړې دي. د لبنان حزب‌الله ډله یو سیاسي او پوځي ډله ده، چې د لبنان ډېرې جنوبي سیمې کنټرولوي. امریکا، حزب‌الله ډله د یوې ترهګرې ډلې په توګه پېژني، خو اروپايي ټولنې بیا د دې ډلې یوازې پوځي څانګه د ترهګریزو سازمانونو په لېست کې شامله کړې ده. دا په‌داسې حال کې ده چې د امریکا د بهرنیو چارو وزیر انتوني بلېنکن به نن د خپل سفر پر اوږدو کې اسراییل ته ځي او هلته... Читать дальше...

د طالبانو د حکومت د احصایې او اطلاعاتو اداره وايي، سږ کال په افغانستان کې د غنمو حاصلات زیات شوي دي. دې اداري په یوې خبرپاڼې کې چې نن یې خپره کړې ویلي، د غنمو په حاصلاتو کې یې د زیاتوالي په اړه دا معلومات د ریموټ سینسینګ یا له لرې د معلوماتو د راټولولو د ټیکنالوژۍ او سټلایت د عکسونو په وسيله راټول کړي. په خبرپاڼه کې همداراز ویل شوي، سږ کال په ټول هېواد کې ۴.۸۳ میلیونه مټریک ټنه غنم تولید شوي او دا اندازه د تېر کال پرتله د غنمو په حاصلاتو کې لس سلنه زیاتوالی ښيي. پر وخت ورښتونه او په ځینو ځایونو... Читать дальше...

یوشمېر هغه افغان کډوال چې له ایرانه د ایستلو له ګواښ سره مخ دي، دا ورځې هڅه کوي چې په قاچاقي لارو ترکیې ته ولاړ شي. د محمد په نوم يو افغان چې له ايرانه ترکيې ته د تګ نيت لري وايي: "موږ له خپل مرګ سره لوبې کوو، ۸۰ څخه تر ۹۰سلنه ګواښ دی او ۱۰سلنه له پولې د تېرېدو چانس." نوموړی له هغو لسګونو افغان کډوالو څخه دی چې، ادعا کوي په تېرو اوونیو کې په ایران کې د افغانانو لپاره د ژوند شرایط ډېر سخت شوي او تل د ایران د پولیسو له ناوړه چلند سره مخامخ کېږي. محمد وایي، له‌دې وېرې چې افغانستان ته ډیپورټ نه‌شي، غواړي په غیر قانوني لارو ترکيې ته واوړي. Читать дальше...

د اسیا ایمرجینګ جام په ګروپي پړاو کې نن سه‌شنبه د اکټوبر په ۲۲مه نېټه د افغانستان الف لوبډلې د هانګ کانګ له ملي لوبډلې سره سیالي پیل کړې ده. دغه سیالي چې د عمان په کوربه‌توب د افغانستان په وخت ماسپښین ۱:۳۰بجه پیل شوې ده، افغان لوبډلې د پچې تر ګټلو وروسته توپوهنه غوره کړه. افغان لوبډلې ونه کړای شول چې پوره شل اورونه ولوبوي، ټوله لوبډلې یې په ۱۹.۵ اورونو کې وسوځېده او ۱۳۱ منډې یې وکړې. په نننۍ سیالۍ کې د افغان توپوهونکو له ډلې یو وار بیا صدیق اتل نیمه سلیزه ووهله او ۵۲ منډې یې وکړې. په نورو... Читать дальше...

د افغانستان په ختیځ لغمان او ننګرهار ولایتونو کې یو شمېر خبریالان وايي، د امر بالمعروف او نهی عن‌المنکر د سرپرست وزیر په غونډه کې خبریالانو ته د تصویر او فلم اخیستلو اجازه نه ده ورکړل شوې. د طالبانو د حکومت له‌خوا د فلم او تصویر اخیستو د محدودیتونو په دوام، تازه د طالبانو حکومت په ختیځ لغمان او ننګرهار کې هم د انځور او فلم په اخیستلو بندیز لګولی دی. پرون دوشنبه په لغمان کې د طالبانو د حکومت د امر بالمعروف او نهی عن‌المنکر د سرپرست وزیر خالد حنفي له غونډې وړاندې د ولایت د ویاند له لوري خبریالانو... Читать дальше...

په ارزګان کې د اوږدې وچکالۍ له کبله بزګران د اوبو د کمښت ستونزې سره مخ دي، خو ځینې بزګران هڅه کوي چې د اوبو لګولو نوي میتودونه رامنځته کړي څو خپلې کرنیزې ځمکې له زیانه وساتي. د ارزګان بزګران د وچکالۍ له ستونزې سره د مبارزې لپاره نوښتګر ګامونه پورته کوي او د اوبو د قطره‌يي سیستم فعالول یې یوه د حل غوره لاره ګڼل کېږي. د دې نوښت سره د اوبو د ضایع کېدو مخه نیول شوې او د کرنیزو محصولاتو د کیفیت او حاصلاتو د زیاتوالي لپاره ګټور ثابت شوی دی. د ارزګان کروندګر عبدالواحد وايي چې د وچکالۍ سره يې د مبارزې... Читать дальше...

د پښتون ژغورنې غورځنګ (پي ټي اېم)او نورو پښتون ملتپاله ګوندونو د اکتوبر پر ۲۱مه په کوټه کې د بلوچستان اسمبلۍ مخې ته احتجاج وکړ او له حکومته یې غوښتنه وکړه چې د اکتوبر پر ۱۱مه د خیبر په ریګي للمه کې د پښتون قامي جرګې غوښتنې عملي کړي او په چمن کې د روان پرلت غوښتنې ومني. د چمن پرلتوال پر ډیورنډ کرښه د پاکستاني شناختي کارډ او افغان تذکرې پر اساس د تګ راتګ غوښتنه کوي. دا په داسې حال کې ده چې حکومت تېر کال د سېپټېمبر له لومړۍ نېټې پاسپورټ او وېزه لازمي کړې ده. ,ویډیویي پورټ

د امريکا د دفاع وزير لويډ آسټن د اوکراين چارواکو ته ويلي، هېواد به يې کيیف ته د روسي ځواکونو پر وړاندې په جګړه کې هر هغه څه ورکړي چې اړتيا ورته لري. د ازادي راډيو د خبر د مرکز له مخې، آسټن دغه څرګندونې د اکټوبر په ٢١مه کيیف ته له رسېدو وروسته وکړې. په عین حال کې مسکو د اوکراین په ښارونو او د هغه هېواد زېربناو باندې د نویو بریدونو څپې پیل کړي دي. ويل کېږي په دغو بريدونو کې زيات ملکي وګړي ټپيان شوي او د دغه هېواد مهم بنسټونه ويجاړ شوي دي.

د امریکا د بهرنیو چارو وزیر انټوني بلېنکن د دوشنبې په ورځ منځني ختیځ ته تللی چې په غزه کې د اوربند د راوستلو لپاره نوې هڅې وکړي. په داسې حال کې چې د امریکا ولسمشرۍ ټاکنو ته دوه اوونۍ پاتې دي، بلېنکن د حماس د مشر یحیی سنوار وژل کېدل د اوربند لپاره یو نوی فرصت ویني. حماس د امریکا متحده ایالاتو او اروپايي اتحادیې له‌خوا د تروریستي سازمان په توګه پېژندل شوی دی. دا له تېر اکټوبر د اسراییلو او حماس ترمنځ د جګړې له پیل راهیسې منځني ختیځ ته د دغه جګپوړي امریکايي دیپلومات ۱۱م سفر دی. انټوني بلېنکن... Читать дальше...

د روسیې ولسمشر ولادیمیر پوتین به د برېکس سرمشریزې په پای کې د ملګرو ملتونو له سرمنشي سره وګوري. د پوتین مرستیال یوري یوشاکوف د دوشنبې په ورځ وویل چې له انټونیو ګوټېرېش سره به دا لیدنه په کازان کې د سرمشریزې په څنډه کې وشي. د برېکس سرمشریزه به نن د سه شنبې په ورځ پیل شي او تر پنجشنبې پورې به دوام وکړي. په دې سرمشریزه کې د روسیې پر ولسمشر سربېره، د برازیل، هند، چین، جنوبي افریقا او یو شمېر نورو هېوادونو مشران ګډون کوي. مسکو هڅه کوي چې له دې فرصت څخه په استفادې داسې وښيي چې پر اوکراین د برید... Читать дальше...

ملګرو ملتونو د لبنان د حزب‌الله پر اړوند یوه شرکت د اسراییلو بریدونه غندلي او ویلي یې دي چې دغو بریدونو "بېلابېلې ښاري او د استوګنې سیمې" په نښه کړي او ملکي تاسیساتو ته یې ډېر زیان اړولی دی. د ملګرو ملتونو د بشري حقونو د دفتر اعلامیه وايي، په دغو بریدونو کې القرض الحسن مالي ټولنې پورې تړلي تاسیسات په نښه شوي دي. د یکشنبې په ورځ اسراییلي ځواکونو په بیروت، د ختیځې بقاع درې او جنوبي لبنان کې د دې ادارې پر څانګو بریدونه وکړل. دا مالي شرکت، چې په رسمي ډول د خیریه بنسټ توګه ثبت شوی د ۱۹۸۰ کلونو راهیسې... Читать дальше...

په پاکستان کې د ماشومانو د ګوزڼ یا پولیو د پېښو له زیاتېدو سره ټاکل شوې په دغه هېواد کې د پولیو ضد واکسین نوی کمپاین پیل شي. په دې کمپاین کې چې راتلونکې اونۍ پیلېږي او ډېری تمرکز به یې د پاکستان په شمال لوېدیځ، د افغانستان سرحد ته نږدې سیمو کې وي، ټاکل شوې چې لږتر لږه ۳۲ ملیونه ماشومانو ته په کې واکسین وشي. د پوليو واکسين کمپاین د کارکوونکو او د هغو پوليسو پر وړاندې تاوتريخوالی چې د هغوی ساتنه کوي، تل په پاکستان کې د پوليو د له منځه وړلو د هڅو د شنډولو لامل ګرځي. سږ کال په پاکستان کې د پولیو... Читать дальше...

په هرات کې د طالبانو چارواکي په طبعیت کې د ۳۰ بېلابېلو وحشي مرغانو د خوشې کولو خبر ورکوي. د طالبانو تر کنټرول لاندې باختر دولتي خبري اژانس د چاپېريال ساتنې د رياست د مسوولانو په حواله خبر ورکړی چې دغه مرغان د چاپېريال ساتنې د سرغړوونکو له‌خوا د سپين ادې او د مرغانو پلورونکو له بازار څخه راټول شوي وو. په خبر کې د دغو طالب چارواکو په حواله راغلي چې دوی په جدي توګه د وحشي ژوو د ښکار، انتقال، قاچاق، پېر او پلور مخه نیسي. د باختر اژانس د خبر له مخې، د کشک رباط سنګي ولسوالۍ امنيه قوماندانۍ هم په... Читать дальше...

د سرې میاشتې او سره صلیب نړیوال فدراسیون وایي، په افغانستان کې د ماشومانو او امیندوارو او شیدې ورکوونکو میندو د خوارځواکۍ کچه په شدت لوړه شوې ده. د سرې میاشتې او سره صلیب نړیوال فدراسیون د اندېښنه په ښودلو سره ویلي یې چې دا مهال په ټول افغانستان کې درې میلیونه او ۲۰۰زره تر پنځو کلونو کم عمره ماشومان او ۸۴۰زره امیندواره او شیدې ورکوونکې میندې له شدیدې خوارځواکۍ سره مخ دي. دغه فدراسیون د دوشنبې په ورځ د اکټوبر په ۲۱مه په خپله ایکس‌پاڼه د یو ګډ راپور په خبرولو سره زیاته کړې چې له دې شمېره ۱.۷ میلیونه... Читать дальше...