د افغانستان د پکتیا ولايت په ډنډ پټان ولسوالۍ کې له وروستۍ بړبوکۍ او توپان څخه زیانمن شوي کسان وايي چې کورونو او ابادیو ته يې دې طبيعي افت درانه تاوانونه رسولي او د کورونو زیاتره لمرينې ښېښې يې هم ماتې شوې دي. د ډنډ پټان اوسېدونکي له حکومتي او غېر حکومتي ادارو د بنیادي مرستو غوښتنه کوي. بل خوا ځايي چارواکي وايي چې تخنیکي ډلې يې د زیانونو سروې کړې ده او راپور يې له اړونده ادارو او موسسو سره شریک کړی دی. ويډيو رپورټ
يو شمېر هغه نجونې چې هرات ولايت کې يې، د لاسي صنایعو په نندارتون کې یې برخه اخیستې وه، د خپلو تولیداتو لپاره د ملاتړ غوښتنه کوي. نور په ويډيو کې:
په داسې حال کې چې د پاکستان مرکزي حکومت د یو فرمان له لارې پښتون ژغورنې غورځنګ (پي ټي اېم) ناقانونه سازمان ګرځولی، د غورځنګ مشران وايي د اکتوبر ۱۱مې جرګه به په هر حال کې کوي. په خيبر کې د کېدونکې دې جرګې په اړه د خیبر پښتونخوا يو صوبايي وزیر پښتون یار خان وايي د پي ټي اېم غوښتنې قانوني دي خو په جرګه کې د ګډون په اړه به یې ګوند پرېکړه کوي. په اونيزه خپرونه "د کرښې پر غاړه" کې دا ځل پر همدې موضوع بحث شوی دی.
سازمان د اکتوبر پر اتمه په بیان کې ویلي دي چې دا بندیز د سوله ییزو احتجاجونو او د لږکیو ډلو د فعالانو حقونو ته سپکاوی دی. سازمان غوښتنه کړې چې حکومت باید په سمدستي توګه دغه بندیز لرې کړي او د پي ټي اېم د فعالانو او احتجاج کوونکو د ځورونو مخه ونیسي.
د افغانستان په هرات ولایت کې د ۲۰۲۳م کال د اکتوبر په اوومه یوه زوروره زلزله راغلې وه چې پکې ګڼو خلکو ته مالي او ځاني تاوانونه رسیدلي وو. د هرات په زنده جان سیمه کې خلک وايي چې د ولایت د نورو سیمو په څېر دغلته هم د زلزلې یو کال له تېرېدو باوجود کورونه، ښوونځي او روغتونونه لا هم ړنګ پراته دي چې له امله یې خلک له ستونزو سره مخ دي. انیسې اجمل په دې اړه د اسوشېټېډ پرېس او اژانس فرانس پرېس له ویډیوګانو دا راپور جوړ کړی دی.
بلوڅې د اکتوبر پر اوومه په خپله اېکس پاڼه لیکلي دي چې نیویارک ته یې سفر کاوه ترڅو د ټایم مجلې لخوا په یوه نړیواله غونډه کې برخه واخلي، چېرته چې هغې د بشري حقونو په اړه سوله ییزې مبارزې لپاره بلنه ترلاسه کړې وه، خو چارواکو څلور ساعته په هوايي ډګر کې ودروله او د سفر اجازه یې ور نه کړه.
د اکتوبر پر اوومه سپیشل مجسټرېټ سردار محمد اصف او اسېسټنټ کمېشنر عبدالله د پښتونخوا هاوس مرکزي دروازه د یو کاغذ په لګولو بنده کړه چې پرې لیکل شوي ول چې "پښتونخوا هاوس د ودانیو د قواعدو خلاف ورزي په بنیاد تړل شوی."
د کراچۍ په اېکسپو سېنټر کې د اکتوبر له څلورمې څخه تر شپږمې د خورما (کجورو) درې ورځنی نړیوال نندارتون جوړ شوی وو. په نندارتون کې د خیبر پښتونخوا سوداګرو او کروندګرو هم ګډون کړی وو. هغو کروندګرو پر خپلو ځمکو د امريکا د نړيوالې مرستندويه ادارې په همکارۍ په عصري ډول د خورما حاصلات تیار کړي ول او نندارې ته یې وړاندې کړل. دا چې هغه کروندګر د نوې ټېکنالوژۍ په مرسته خورما څنګه وچوي، تفصیل په ویډیویي رپورټ کې.
تر کنفرانس وروسته په خپره شوې اعلاميه کې په منځني ختيځ کې د سمدستي اوربند غوښتنې ترڅنګ د اسلامي هېوادونو همکارۍ سازمان (او ای سي) ته ويل شوي چې د فلسطين پر حالاتو دې د خبرو لپاره بېړنۍ غونډه وبلي.