سعودي کې زیات سرونه له پاکستانیانو غوڅېږي: جې پي پي
همدا اوس د تير زیارت په ورځ د پنجاب صوبې د چيچه وطني يو کس محمد عمران ته د سعودي عرب د جدې ښار په شميسي زندان کې د مرګ سزا ورکړل شوې وه.
همدا اوس د تير زیارت په ورځ د پنجاب صوبې د چيچه وطني يو کس محمد عمران ته د سعودي عرب د جدې ښار په شميسي زندان کې د مرګ سزا ورکړل شوې وه.
په خوست کې د ټاکنو دفتر مسولین وايي، چې یاد کسان به د دې ولایت د رای اچونې په ۱۸۶ مرکزونو کې چې ۸۳۵ د رای اچونې محلونه لري، په دندو وګمارل شي.
زلمی خلیلزاد کانګرس احضار کړی، اسلام اباد د افغان سولې په اړه یو نظر او نوی ډیلی لږ بل رنګ نظر لري. د دې سربیره به دلته وګورئ چې وروسته له نژدې دیرش کلونو په سومالیا کې یوه نجلۍ برقي شوې.
د اګست په پنځمه هند د خپل تر انتظام لاندې کشمير ځانګړې اييني حيثيت ختمولو وروستو د ياد ملک او پاکستان ترمينځه حالات يو وارې بيا ترينګلي شوي دي.
مسلم لیګ ن ګوند تور پورې کوي چې د تحریک انصاف په مشرۍ حکومت د پولیو رنځ په ختمولو کې ناکامه شوی او د ناسمو پالیسیو په وجه يې ورځ په ورځ د دې ناروغۍ کیسونه سېوا کېږي.
په کراچۍ ښار کې د پشکال بارانونو له وجې ډنډونه جوړ دي. د ښاروالۍ نظام ګډ وډ دی چې له وجې يې وګړې له سختو ستونزو سره مخامخ دي. ويډيو : فرانس پريس اژانس
د افغان حکومت اجرائیه رئیس د یو حکم په صادرولو سره ویلی، د بهرنیو چارو په وزارت کې دې د تورونو ارزول تر راتلونکي حکومت پورې وځنډېږي.
افغان ولسمشر او ولسمشریزو ټاکنو ته کاندید محمد اشرف غني وايي، په تېره اوونۍ کې کابو دوه زره طالبان د امنیتي ځواکونو له خوا وژل شوي دي.
په پېښور کي د افغان مارکیټ دکانداران وايي، له ډېرې مودې راهیسې دوی د خپلو دکانونو کرایه د افغان ملي بېنک په کاته (اکاونټ) کې اچوي خو اوس د دوی په وینا یوه، یوه قبضه مافیا راپیدا شوې او له دوی څخه په زوره د دکانونو کرایه غواړي. بلخوا د پاکستان ستري محکمې (سپریم کورټ) د پېښور په څانګه کې د دې مارکیټ د ملکیت په اړه یوه قضیه هم روانه ده او په پېښور کي د افغانستان کونسلګرۍ چارواکي وايي چې په پېښور کي دا مارکیټ د افغانستان ملکیت دی. نور تفصیل له پېښوره د غلام غوث په ویډیو راپور کې.
په افغانستان کې د سېپټمبر په ۲۸مه د ولسمشرۍ ټاکنې کېږي. په ۲۰۰۱ز کال کې د طالبانو رژيم نسکورلو پس په لومړي وار په ۲۰۰۴ز کال کې ولسمشريزه ټاکنې شوې وې. بيا په ۲۰۰۹ او ۲۰۱۴ز کال کې صدراتې ټاکنې ترسره شوې. ويډيو : فرانس پريس اژانس
په بغلان کې چارواکي وايي، د بغلان ټولې لویې لارې پرانیستل شوې، خو لا هم د کندز ـ بغلان پر لویه لاره خطرونه شته. په سیمه کې د ازادي راډیو خبریال د چارواکو له قوله وايي، څو ورځې مخکې د مزار شریف لویه لاره پرانیستل شوه، پرون ناوخته د دوشي ـ پلخمري لاره پرانیستل شوه او تېره شپه هم د کندز ـ بغلان لاره پرانیستل شوې. دا ټولې لارې په ورستیو کې په بغلان کې د وسله والو طالبانو د زیاتېدونکو فعالیتونو له کبله تړل شوې وې. د دوشي ولسوال صاحبداد غفوري ازادي راډیو ته ویلي چې له لس ورځو راهیسې د کابل او شمال... Читать дальше...
د فراه والي وايي، تېره شپه امنیتي ځواکونو په دې ولایت کې د انار درې ولسوالۍ مرکز بېرته له طالبانو نیولی دی. محمد شعیب ثابت نن ازادي راډیو ته وویل چې دا مهال د انار درې ولسوالۍ مرکز کې وضعیت ارام دی. دی وایي: له نېکه مرغه زموږ کومانډويي عملیات تېره شپه ترسره شول، دښمن ته مرګ ژوبله هم اوښتې او دا مهال ټوله ولسوالي زموږ په کنټرول کې ده، د ولسوالۍ په مرکز کې جنګ نه شته او دښمن له سیمې تښتېدلی دی. ښاغلي ثابت وویل، د انار درې د ولسوالۍ په عملیاتو کې امنیتي ځواکونو ته مرګ ژوبله نه ده اوښتې. نوموړي... Читать дальше...
د پاکستان پپلز ګوند او پاکستان مسلم لیګ نون ډلې مشران وايي، دوی به تحریک انصاف دې ته نه پرېږدي چې د کراچۍ انتظامي چارې وفاقي حکومت ته وسپاري.
د افغانستان د ملي امنیت ریاست وايي، تېره شپه یې په کابل کې د داعش پر یوه پټنځای عملیاتو کې د محمد حنیف په نوم د داعش د وسله والې ډلې د ترهګرو بریدونو یو طراح او یو پاکستانی بریدګر وژلي دي. ملي امنیت نن سهار په یوه خپره کړې خبرپاڼه کې ویلي، د ملي امنیت او پولیسو ځانګړو ځواکونو د داعش پر پټنځای دا عملیات د کابل ښار د اولسمې حوزې اړوند سیمه کې کړي. ملي امنیت وايي چې په دې عملیاتو کې یو پاکستانۍ مېرمن چې له څلورو ماشومانو سره د داعش ډلې په دې پټنځای کې اوسېده، ټپي او روغتون ته انتقال شوې، خو په دې اړه یې جزیات نه دي ورکړي. Читать дальше...
په ولسي جرګه کې د افغانستان د مرکزي ولایتونو استازي وايي، که حکومت د میدان وردګ او بامیانو ترمنځ د لارې امنیت خوندي نه کړي، د دغو ولایتونو اوسېدونکي به په ولسمشریزو انتخاباتو کې ګډون ونه کړي.
دا خبرې د متحده مجلس عمل پارلیماني مشر مولانا اسد محمود د پاکستان پیپلز پارټۍ او مسلم لیګ ن د مشرانو سره په یو ګډ خبري کانفرنس کې کړې دي.
د امریکا متحده ایالتونو د کانګرس یوې کمېټې زلمی خلیلزاد احضار کړی او غواړي پوښتنې ترې وکړي.
امریکا د افغانستان د ولسمشرۍ د انتخاباتو د ترسره کېدو لپاره ۲۹ ميلیونه ډالر مرسته وکړه. دا مرسته په کابل کې د امریکا سفیر جان بس پرون پنجشنبه د خپلې ټویټرپاڼې له لارې اعلان کړه. په ملګرو ملتونو کې د امریکا سفیر هم تأیید کړه چې هېواد یې د افغانستان د میزان د شپږمې نېټې د ولسمشرۍ د انتخاباتو د ملاتړ لپاره ۲۹ ميلیون ډالره مرسته کوي. تر دې وړاندې بریتانیا او ځینو نورو هېوادونو هم د افغانستان د انتخاباتو د ملاتړ لپاره مالي مرستې اعلان کړې دي.
هند وايي، د افغانستان پرمختګونه له نږدې څاري. د هند د بهرنیو چارو وزارت ویندوی راویش کومار پرون پنجشنبه وویل، دوی د طالبانو او امریکا ترمنځ د خبرو په شمول د افغانستان تحولات له نږدې څاري. د هند د بهرنیو چارو وزارت ویندوی دا خبره وروسته له دې وکړه چې د امریکا ولسمشر ډونالد ټرمپ له طالبانو سره د سولې خبرې پای ته رسېدلې اعلان کړې. راویش کومار یوې خبري غونډې ته وویل، هند باور لري چې د افغانستان د قانوني حکومت په ګډون د افغان ټولنې ټولې برخې باید د سولې په پروسه کې شاملې وي. ده زیاته کړه، ډاډه... Читать дальше...
د ډیلي د اندراګاندي د نړیوال هوايي ډګر د ګمرک چارواکو پرون پنجشنبه وویل چې له یوه افغان مسافر سره یې د نږدې ۷۳ لکه هندي روپیو په ارزښت سره زر نیولي دي. هند یو له هغو هېوادونو څخه دی چې د سرو زرو بیه پکې لوړه ده او له نورو هېوادونو څخه په قاچاق وروړل کېږي. هندي رسنیو د خپل هېواد د ګمرکي چارواکو په قول وویل، د سرو زرو دغه افغان قاچاقبر له کابله د افغانستان د یوه خصوصي هوايي شرکت په الوتکه کې ډیلي ته ورغلی و.
د میدان وردګ ولایت چارواکي وايي، په دغه ولایت کې پرون پنجشنبه مازیګر په هوايي حمله کې لږترلږه ۱۶ طالبان وژل شوي دي. د میدان وردګ د والي ویندوی محب الله شریف زوی تېره شپه ناوخته ازادي راډیو ته وویل چې دا شمېر طالبان د نرخ ولسوالۍ د مرکز په یوه کلي کې د بهرنیو ځواکونو په هوايي برید کې ووژل شول. ده وویل: زموږ د امنیتي اورګانونو په وینا، په وژل شویو کسانو کې د دوی مشهور قوماندانان لکه ملا حبیب الله، ملانبي او مولوي اجمل شامل دي، ملاحبیب الله پخوا د طالبانو د نرخ ولسوال و. د ښاغلي شریف زوی په وینا،... Читать дальше...
د ټرمپ ادارې اوکراین ته د ۲۵۰ ميلیونه ډالره پوځي مرستې د ورکولو اجازه ورکړه. دا مرسته له دې سره سره ځنډول شوې وه چې د روسیې د یرغل او د اوکراین د خاورې د نیولو پر ضد کییف ورته سخته اړتیا لرله. د دې مرستې اعلان پرون پنجشنبه د امریکا د سنا جرګې د تدارکاتي کمېټې تر غونډې مخکې وشو. اټکل کېده چې په دې غونډه کې به د دواړو ګوندونو (ډموکرات او جمهوریپال) استازي پر ولسمشر ټرمپ د دغو پیسو د نه ورکولو په خاطر انتقادونه وکړي. کانګرس پخوا لا دا مرسته تصویب کړې وه.
د فیفا یا د فوټبال د نړیوال فدراسیون د اخلاقي ضوابطو خپلواکې کمېټې د دې فدراسیون پر پخواني مرستیال رئیس یوان انجیل ناپوت د رشوت د منلو په خاطر پرون پنجشنبه د تل لپاره بندیز ولګاوه او یو ميلیون ډالر یې جریمه کړ. ۶۱ کلن ناپوت تېر کال په نیویارک کې د فساد په تور په ۹ کاله حبس محکوم شو. دی په دې مجرم پېژندل شوی چې په ټلویزیون کې یې د لوبو د خپراوي حق د لس ميلیونه او ۵ لکه ډالره رشوت په بدل کې ورکړی و.
ازبکستان د ګرځندوی یا تورېزم د پراختیا لپاره چینایانو ته اجازه ورکوي چې دغه هېواد ته د ۷ ورځو لپاره بې وېزې سفر وکړي. د ازبکستان د ولسمشر شوکت میرضیایف د هغه فرمان له مخې، چې پرون (پنجشنبه) یې صادر کړ، د چین او هانګ کانګ اتباع به د راتلونکي ۲۰۲۰ م کال له پیله کولی شي ازبکستان ته بې وېزې سفر وکړي. خو دا امتیاز به یوازې هغه چینایان لري چې د چین له نړیوالو هوايي ډګرونو څخه په الوتکو کې په مستقیم ډول ازبکستان ته ځي. خو هغو چینايانو ته، چې له درېم هیواد څخه ازبکستان ته ځي، ۵ ورځینۍ وېزه ورکول کېږي. Читать дальше...
د بغلان امنیتي چارواکي وايي چې د کابل – پلخمري او پلخمري – مزارشریف لویې لارې یې بېرته پرانیستي دي.