پښتون قامي جرګې پر پاکستاني پوځ او وسلوالو ډلو د دوی د سيمو د پرېښودلو غږ کړی
په خیبر کې د پښتنون قامي عدالت په نوم جرګې پر پاکستاني پوځ او وسلوالو ډلو غږ کړی چې په دوو میاشتو کې دي د پښتنو له خاورې ووځي.د اکتوبر ۱۳مه شپې ناوخته د درې ورځنۍ جرګې په ۲۲ مادو مشتمله اعلامیه د پښتون ژغورنې غورځنګ مشر منظور پشتين په تالار کې ناست په زرګونو ګډونوالو په وړاندې اعلان کړه. د جرګې د پرېکړو د اعلان پر وخت د خیبر پښتونخوا اعلا وزیر علي امین ګنډه پور او نور مشران په سټېج ناست ول. د پاکستان حکومت او وسلوالو ډلو د جرګې د پرېکړو په اړه لا څه نه دي ويلي.
تفصیل د ځلاند یوسفزي په ویډیويي رپورټ کې.