Гәдоуҭа араион Абыргцәа рхеилак ахантәаҩы Сергеи Чакветаӡе Нестор Лакоба диижьҭеи 125 шықәса аҵра инамаданы Гәдоуҭа имҩаԥгаз амитинг аҟны иазгәеиҭеит уи ибаҟа иахәҭоу аҩаӡараҟны ишыҟам.
Москватәи ахәыҷтәы аԥсуа кәашара ансамбль "Амцабз" асахьаркыратә напхгаҩы Лаша Марыхәба Sputnik Аԥсны аефир аҟны еиҭеиҳәеит аихшьаалатә концерт шымҩаԥысыз.
Арадио Sputnik Аԥсны апроект "Агәалашәара амҩала" аҟны ишәыдаагалоит Аԥсны Аџьынџьтәылатә еибашьра ахроника.
Аԥсуа жәлар рмилаҭ-хақәиҭратә қәԥараҟны аҩажәатәи ашәышықәсаз иалкаау аҭыԥ аанызкылаз, аҳәынҭқарратә усзуҩ Нестор Лакоба диижьҭеи 125 шықәса ҵит. Блабырхәа ақыҭа Нестор Лакоба даҭаалон Басиаҭ Барцыц иҩнаҭа. Уи имоҭа Аҟәатәи аботаникатә институт напхгара азҭо Едуард Гәыбаз еиҭеиҳәеит Лакоба идҳәаланы иаҳахьаз ажәабжьқәа.
125 шықәса ҵит иналукааша амилаҭ-хақәиҭратә қәԥара аԥхьагыла Нестор Аполлон-иԥа Лакоба диижьҭеи.