“Talybanyň” berkitmesinde german raýaty ele salyndy

Owganystanyň howpsuzlyk güýçleriniň “Talyban” hereketiniň partladyjy ýasamakda güman edilýän berkitmesine geçiren reýdinde Germaniýanyň bir raýaty ele salyndy.


Helmand welaýatynyň häkiminiň metbugat-wekili gürrüňi gidýän adamdan Germaniýanyň raýatlygyny görkezýän dokumentleriň tapylandygyny mälim etdi.


Owgan resmisiniň sözlerine görä, deslapky sorag etmeleriň netijesinde Germaniýanyň raýatynyň tussag bolman, eýse köçe-ýaka bombalary ýasamaga gatnaşandygy anyklanypdyr.


Gereşk etrabynyň polisiýa başlygy ele salnan adamyň “Talyban’ hereketiniň Helmandaky komandirleriniň biri “Molla Nasiriň maslahatçysy” bolandygyny aýtdy.


Resmiler tussag edilen german raýatynyň şahsyýetini aýdyňlaşdyrmadylar.