Новости за 14.08.2017

Жители на Москва им помогнаа на улични музичари до крај да го изведат својот настап покрај метро станицата „Медведково”, соопштува порталот tjournal.ru.

Првпат во руската медицинска практика се вградени две механички „срца“ на 20-годишна девојка ранета во напад, пишува „Метроњуз“. Операцијата беше изведена од страна на хирурзите на Сибирскиот биомедицински „Мешалкин“ во Новосибирск.

Во Томск е приведен 31-годишен локален жител кој набавил опрема за изработка на банкарски картички, изјави неименуван извор на агенцијата „Интерфакс“.

Федералната служба за безбедност објави оперативна видео снимка од апсењето на милитанти кои подготвувале напади во јавниот транспорт и трговски центри во Москва.

Како што се истакнува во годишниот извештај на претпријатието, наведените работи треба да бидат завршени во 2017 година „со прием во состав на вооружувањето на ВС на РФ на борбените возила (од типот на БМП и БТР и унифицирани лесни оклопни гасенични платформи) за понатамошен развој и производство врз нивна основа на семејство на лесни оклопни следи возила за различни намени“, го цитира документот ТВ „Ѕвезда“.

Најмодерните руски ловци се опремени со компјутерски системи кои ја контролираат „G“ силата, т.е. силата на тежата за време на забрзување. Тие водат сметка пилотот да не се  онесвести додека маневрира на големи брзини.

Меден Спас е православен празник на првиот ден од Богородичните пости кои завршуваат на 27 август. Русија почнува да го слави овој празник во XV век.

Министерството за одбрана ја објави снимката од Главната воено-поморска парада што се одржа во Санкт Петербург на 30 јули во формат панорама од 360 степени.

LADA Vesta е прогласена за најпродаван модел од сегментот С-класа на рускиот пазар на автомобили за изминатите седум месеци од годинава. 33 илјади Руси го купиле токму овој автомобил во текот на наведениот период, соопштува аналитичката агенција „Автостат“.

Стојан Васев

Во советското време фабриката „Лихачов“ или скратено ЗИЛ (рус. „Завод имени Лихачёва“) правеше легендарни камиони, а исто така и лимузини за советските државници, теренски возила, па дури и велосипеди и фрижидери.

Стојан Васев

Денес погоните на фабриката се целосно демонтирани и останати се само фотографии како сувенири за нејзиното славно минато.

Стојан Васев

Најголемата индустриска зона на Москва заземаше површина од околу 300 хектари.

Ниските плати трет месец по ред го заземаат првото место на листата со проблеми во Русија – во јули 24% од Русите го изјавија тоа (наспроти 18% во јануари и 14% во јули 2016 година). Уште 21% ги загрижува состојбата во економијата, а  18% социјалната политика, пренесува „Взгљад“.

Ловецот од петтата генерација Су-57 (Т-50) допрва почнува да лета. Девет вакви машини поминуваат разни тестирања и следната година треба да влезат на вооружување во Воздушно-космичките сили (ВКС) на Русија.