“Ак барс” банкының Зәйдәге бүлегеннән зур суммада акча урлау буенча тикшерү эше бара

Зәй шәһәр прокуратурасы “Ак барс” банкының Түбән Кама филиалы 1нче Зәй өстәмә бүлеге кассирының 17 миллион 944 мең сум акча урлауда шикләнелүе турында хәбәр итә. 1959 елгы ханымның  10-19 март аралыгында әлеге суммадагы акчаны урлавы буенча Россия Эчке эшләр министрлыгының Зәй бүлеге тикшерү комитеты җинаять эше кузгатылган. Хәзер әлеге эш буенча тикшерү бара.