Чигү чигәм ефәк тасма белән

Зәйнең үзәк китапханәсе каршында "Вдохновение" клубы эшли. Аның белән Людмила Крылова җитәкчелек итә. Клубның чираттагы утырышы "Ефәк тасма белән чигү чигәм" темасына багышланды. Клуб әгъзаларына мастер-классны Р. Солтанова үткәрде. Кайчандыр бик популяр булган кул хезмәте шактый вакыт онытылып торды. Һәм халкыбыз менә аны янә яңартып килә. Мондый эшләр рухи чыганак буларак кыйммәтле. Чигү, бәйләү - хатын-кызлар башкара торган бик нечкә һәм зәвыклы хезмәт. Аның кабат модага керүе, күпләрдә кызыксыну уятуы сөенечле.