2015 ел Кыш бабае балыкбистәлеләргә яңа мәдәният йорты һәм балалар бакчасы вәгьдә кыла
Киләсе елда район үзәгендә 350 урынга мәдәният йорты һәм 80 урынга балалар бакчасы төзелеп файдалануга тапшырылачак.
Әлеге обьектларның проект-сметалары Татарстан хөкүмәте тарафыннан имзаланган инде.Мәдәният йортының урыны " Дельфин спорт-сәламәтләндерү үзәге янәшәсенә билгеләнгән булса, икенчесен 2 нче мәктәп белән агротехникум тирәсендә торгызырга планлаштыралар. Моннан тыш, җәй башларында поселокта яңа заманча кунакханә дә үзенең ишекләрен ачачак.