Новости за 04.05.2024

«Болгар» радиосы алып баручысы, журналист Дилбәр Фәиз аның телефон номерыннан татарча смс язып акча сораган мошенникларга гариза язган.

Блогер Айназ Габидуллина ырым-шырымнар турында мәзәк ролик төшергән. «Ырым-шырымга ышанучан апаларыгыз бармы сезнең дә», ди ул үзенең блогында.

Кырау төшү сәбәпле зыян күргән үсемлекләрне ничек терелтергә? Бу хакта «Башкортостан» гәзитенә бакчачы Фәридә Зәйнуллина сөйләгән.

Чаллыда 34 яшьлек хатын-кыз 37 яшьлек хатын-кызны чәнчеп үтергән. Көнчелек аркасындагы җинаять 30 апрельдә ГЭС бистәсендә була. Бу турыда Россия Тикшерү комитетының Татарстан буенча идарәсенә сылтама белән «Татарстан 24» каналы хәбәр итте.

Минзәләдә яшәүче Тәския Вәгыйзовадан кулич рецептын тәкъдим итәбез. Куличлар бик матур, тәмле булды, коры түгел дип язган социаль челтәрдәге сәхифәсендә Тәския ханым.

Җырчы Зәринә Хәсәншина Алма-Атага чыгыш ясарга барган. Исән-сау барып җиткән, әмма күлмәкләрен үтүкли алмыйча изаланган, шулай да бу хәлдән чыгу юлын тапкан.

Әлмәт районында 19 яшьлек егет һәлак булган. Студент егет язгы чәчү эшләрендә катнашырга килгән булган. Бу турыда Татарстан прокуратурасы хәбәр итте.

Новосибирск өлкәсендә тракторчы ир-ат бөтен авылны янгыннан саклап калган. Ул ут эченә керә-керә җирне сукалаган. Бу турыда «Комсомольская правда» хәбәр итте.

Дагыстанда Сулак тарлавыгында катерда йөргәндә бер ир-ат һәлак булган. Ул суга егылып төшкән турист кызны коткарырга тырышкан.

Пермь краенда 21 яшьлек хатын-кызны үтерүдә шикләнелүчене тотканнар. Эзләү вакытында 15 яшьлек үтерүче журналистларны һәм волонтерларны алдаларга, дөрес булмаган юлдан җибәрергә тырышканлыгы ачыкланган. Бу хакта «Комсомольская правда» басмасы яза.

«Татар-информ» мәгълүмат агентлыгының татар редакциясе баш мөхәррире, журналист Рәмис Латыйпов 26 апрельдә Тукай һәйкәле янында узган шигырь бәйрәменнән соң үзенең фикерләре белән бүлешә. Автор «Шигырь бәйрәменнән соң уйланулар»ын үзенең социаль челтәрдәге сәхифәсендә урнаштырган.

Ставропольеда өч егет Библия яндырып, видеога төшергәннәр. Бу видео сүгенү сүзләреннән генә торганлыктан, аны сезгә күрсәтә алмыйбыз, ләкин яшүсмерләрнең бу эшне аңлап эшләүләре аңлашыла. Алар: «Бу китап янмый, ул изге», – дип, Библияне учакка ташлый. Библия яна башлагач: «Аллага оят», – дип көләргә тотыналар.

Рөстәм Нәбиев хатыны һәм балаларын төшереп видео элгән һәм: «Миннән шәп кулинар чыга. Ике йомыркадан шушындый әйбер әзерли алдым», – дип язган. Шушы язуы укучыларның ачуын чыгарган.

5 майда Татарстанда аязучан-болытлы һава торышы була. Төнлә явым-төшемнәрсез. Көндез көньяк-көнбатыш районнарда яңгыр явачак. Көньяк-көнбатыштан 5-10 метр тизлектә, көндез урыны белән 12 метр тизлектә көчле җил. Төнлә һава температурасы 0..-5˚, көндез +7..+12˚ градус.

Пемза, чәч кисү машинасы һәм душ керә торган гельләр. Уфада яшәүче тол ир үлгән хатынының балалары белән шундый милекне бүлешә. Ул судка мөрәҗәгать иткән. Гариза язганда ул хатыны белән бергә яшәү вакытында алынган бөтен нәрсәне дә исенә төшергән, хәтта теш протезы һәм «Корега» кремын да. «База» телеграм-каналы бу документны чыгарды.

Җырчы Иркәгә «Хозур ТВ» телеканалындагы «Фикер» тапшыруында үзе һәм гаиләсенең дингә мөнәсәбәте хакында сөйләгән.

Мошенниклар халыкны алдауның тагын бер яңа ысулын тапкан. Алар хәзер татар кешеләренең номерларын «урлап», таныш-белешләренә татарча смслар җибәрә башлаганнар.

Еш кына егетләр белән кызлар интернетта танышканнан соң бер тапкыр очраша да, башка күрешеп тә тормый. Экспертлар кызларның беренче очрашуда ясый торган хаталарын әйткән. Бу хакта «МИР» телеканалы яза.

Гүзәл Уразова Мәскәүдә операция ясатканнан соң хастаханәдән чыкты, әмма әлегә аңа Казанга кайтып китәргә рөхсәт итмәгәннәр. Аңа хастаханәгә барып күренеп торырга кирәк. Җырчы нинди операция ясатуын төгәл әйтми.

Миллионер-блогер Майк Блэк теләсә кайсы хәерле 1 миллион доллар акча эшли ала – теләге генә булсын, дип сөйли торган булган. Шуны исбатларга теләп, ул эксперимент башлый. Булган акчаларыннан баш тартып, 1 ел эчендә «нульдән» бизнес төземәкче була. Тик түземлеге 10 айга гына җитә. Бу вакыт эчендә ул нибары 64 мең доллар гына эшли ала. Аннары, хроник авырулары кискенләшүен сылтау итеп, бу проектны ташлый.

Иркутск өлкәсенең Тайшет шәһәрендә табиблар 1,5 яшьлек кыз баланың гомерен саклап калу өчен тырыша. Балага ротвейлер этен өстергәннәр. Бала чак кына исән калган. Бу турыда «Комсомольская правда» хәбәр итте.

Илзидә Госман – шәхси тормышын, шатлык-кайгыларын халыкка чыгармый торган сирәк җырчыларның берсе.

Россия Президенты Владимир Путин өй эшләренең күләмен киметергә, шулай ук мәктәпләрдә артык контроль эшләрне бетерергә һәм шул рәвешле мәктәп укучылары өчен баланслы йөкләмә формалаштырырга кушты.