Әсем әжейдің әңгімесі
Әсем әжейдің әңгімесі, Толымбек Әбдірайым , Ауладағы ағаш орындықта бес кішкентай қыз отыр.
Ауладағы ағаш орындықта бес кішкентай қыз отыр.
— Күн қандай жылы! — деді Әйгерім достарына қарап.
— Иә, өте жылы, — деді Балгүл Әйгерімді қостап.
— Қыстан құтылдық-ау, әйтеуір, — деді Жазира сөзге араласып.
— Қыздар, басқа әңгіме таппадыңдар ма? — деді Күлай. — «Көр-жерді» сөз етіп.
— «Көр-жер» деген не? — деді Ақжібек таңырқап.
— «Көр-жер» деген ұсақ-түйек, болмашы бірдеңе деген сөз.
— Оны қайдан білесің?
— Әжемнен естігем.
— Ал әжең қайдан біледі?
— Ол кісі біздің үйдегі «Үлкен сөздік». Бәрін біледі.
Осы тұста әңгімеге Жазира араласты.
— Әжем айтқан, Күлайдың әжесі ұстаз болыпты. Көп оқыған, көпті көрген...