ՀՀ պատվիրակությունը Բրյուսելում Եվրոպական Խորհրդարանի շենքում է
Այդ մասին Մեդիամաքսին տեղեկացրել է պատվիրակության անդամ Թեւան Պողոսյանը: Նա ասել է, որ քիչ անց մեկնարկելու է Արեւելյան գործընկերության Եվրանեսթ ԽՎ-ի նիստը:
Թեւան Պողոսյանը տեղեկացրել է, որ պատվիրակության վերադարձը նախատեսված է մարտի 24-ին եւ հույս է հայտնել, որ Բրյուսելի օդանավակայանը մինչ այդ կվերականգնի աշխատանքը:
Այսօր Բրյուսելի «Զավենտեմ» օդանավակայանում երկու պայթյուն էր որոտացել, որի հետեւանքով կա շուրջ երկու տասնյակ զոհ: Ավելի ուշ պայթյուններ են տեղի ունեցել նաեւ Բրյուսելի կենտրոնում գտնվող մետրոյի երկու կայարաններում՝ «Մաալբեք»-ում եւ «Շուման»-ում: