ԵՐԵՎԱՆ, 18 մարտի. /ԱՌԿԱ/. Եվրասիական տնտեսական հանձնաժողովի (ԵՏՀ) կոլեգիան հավանություն է տվել ԵՏՀ խորհրդի որոշման նախագծին, որը վերաբերում է Իրան–Հայաստան էլեկտրահաղորդման 3–րդ գծի կառուցման համար Հայաստան ներկրվող սարքավորումները ներմուծման մաքսային տուրքերից ազատ արձակելուն, հաղորդում է հանձնաժողովի մամուլի ծառայությունը։

Որոշման նախագծի համաձայն` տուրքային արտոնություններ ստանալու համար ներկրողը պետք է Հայաստանի մաքսային մարմին ներկայացնի ներկրվող ապրանքների նպատակային նշանակության հաստատում։

Այս միջոցառումն ուղղված է Իրան–Հայաստան էլեկտրահաղորդման 3–րդ գծի կառուցման հարցում Հայաստանի ստանձնած միջազգային պարտավորությունների կատարմանը։