ԱԳ նախարարի տեղակալն ընդունել է Լատվիայի ԱԳՆ պատվիրակությանը

Հայաստանի արտաքին գործերի նախարարի տեղակալ Կարեն Նազարյանն այսօր ընդունել է Լատվիայի արտգործնախարարության Արևելյան գործընկերության հարցերով հատուկ ներկայացուցիչ Մարգերս Կրամսի գլխավորած պատվիրակությանը։


Հայաստանի արտգործնախարարության փոխանցմամբ, հանդիպմանը կարևորվել է Հայաստան-Եվրամիություն հարաբերությունների արդի փուլը, ինչպես նաև Հայաստանում և Եվրամիության միջև նոր իրավական հիմք ձևավորելու շուրջ բանակցությունների գործընթացը, անդրադարձ է կատարվել հայ-լատվիական բազմաբնույթ երկկողմ հարաբերությունների խորացմանը, ինչպես նաև միջազգային տարբեր կառույցների շրջանակներում համագործակցության խորացմանը։


Նախարարի տեղակալը ներկայացրել է նաև ղարաբաղյան հիմնահարցի խաղաղ կարգավորման ուղղությամբ Հայաստանի և ԵԱՀԿ Մինսկի խմբի եռանախագահ երկրների շարունակական ջանքերը՝ ընդգծելով միջնորդների գործունեությանը մշտապես սատարելու անհրաժեշտությունը: