Чиләбедә «Җәлил укулары» өлкә әдәби конкурсы тәмамланды

Көньяк Уралның данлыклы традициясенә әверелгән «Җәлил укулары» өлкә әдәби конкурсы быел Чиләбедә 15нче тапкыр узды. Бу хакта Татарстан Республикасының Свердловск өлкәсендәге даими вәкиллеге хәбәр итә.

Быел бәйге катнашучыларның рекордлы санын җыйды. Советлар Союзы Герое Муса Җәлил иҗатын хөрмәт итүчеләр сәләтләрен күрсәтү өчен өлкәнең барлык почмакларыннан килгән.

Конкурс чыгышларын шагыйрь исемен йөртүче 81 номерлы мәктәптә тыңладылар. Бәйге бер урында тормый – быелдан анда яңа номинацияләр кертелде.

Әдәби бәйгедә катнашучыларны шулай ук безнең замандашларыбыз – махсус хәрби операциядә катнашучы хәрбиләребезнең батырлыклары шигырьләр иҗат итәргә илһамландырган.

Жюри әгъзаларына җиңел туры килмәде. Иң яхшылар арасыннан җиңүчене сайлап алу авыр булды, чөнки катнашучыларның барысы да җиңүче исеменә лаек иде, диелә хәбәрдә.