Якшәмбе Татарстанда +6 градуска кадәр җылыта

Якшәмбе, 24 ноябрьдә, Татарстанның көнбатыш районнарында көндез урыны белән яңгыр һәм җепшек кар көтелә.

ТР Гидрометеорология һәм әйләнә-тирә мохитне күзәтү идарәсе фаразыннан күренгәнчә, бу көнне температура көндез +1..+6 градуска кадәр күтәреләчәк, иртән юлларда урыны белән бозлавык барлыкка килергә мөмкин.

Якшәмбе көнне җил көньяктан һәм көньяк-көнчыгыштан исә, аның тизлеге секундына 9-14 метр тәшкил итәчәк, көчәйгәндә урыны белән 20-23 метрга кадәр җитүе ихтимал.