Новости за 20.01.2019

19-njy ýanwarda, tapgyr sekizinji şenbede, müňlerçe serb Belgradda hökümete garşy ýörişe goşuldy. Bu ýörişler 2018-nji ýylyň 23-nji noýabrynda jenaýatçylar Serbiýanyň Çep partiýa lideri Borko Stefanowiçe hüjüm edenlerinden soň başlandy. Protestçiler jemgyýetçilik radio-telewideniýesinde oppozisiýa hem deň mümkinçilik berilmegini we prezident Aleksandr Wuçiçiň, içeri işler ministri Nebojsa Stefanowiçiň, tele-radio başlygy Dragan Bujosewiçiň işden çekilmegini talap edýärler.

Owganystanda 20-nji iýulda geçiriljek prezidentlik saýlawlaryna gatnaşjak dalaşgärleri hasaba almak işi 20-nji ýanwarda tamam boldy, bäsleşik üçin 14 kandidat hasaba alyndy. Dalaşgärleriň arasynda häzirki prezident Aşraf Gani, ozalky milli howpsuzlyk geňeşçisi Hanif Atmar we häzirki baş ýerine ýetiriji Abdulla Abdulla dagy hem bar. Gani we Abdullah 2014-nji ýylda köpçülikleýin galplaşdyrma aýyplamalary bilen kölege düşen saýlawlarda deňeçer ses aldy. Netijede, ABŞ-nyň şol wagtky döwlet sekretary... Читать дальше...

Orsýetliler Moskwada we beýleki şäherlerde dawaly Kuril adalarynyň Ýaponiýa berilmek ähtimallygyna garşy protest bildirýärler. 20-nji ýanwarda Moskwada geçirilen protestler Çepçi front, Hereket partiýasy, Başga Orsýet, Noworossiýa we beýleki çepe gyşaryjy toparlar we milletçi guramalar tarapyndan guraldy we olara häkimiýetler tarapyndan ygtyýar berildi. Uzak Gündogardaky Habarowsk şäherinde 500 çemesi adam demonstrasiýa çykyp, “Kuril adalary biziňki. Prezident Putiniň hökümeti ýok bolsun” diýen şygarlara gygyrdy. Читать дальше...

Ikinji Jahan urşundaky Leningrad gabawy hakynda düşürilen gapma-garşylykly rus filmi wideo paýlaşylýan YouTube saýtyndan aýryldy. Filmiň direktory Alekseý Krasowskiý 20-nji ýanwarda feýsbukda “Prazdnik” (“Baýramçylyk”) komediýasynyň YouTube saýtyndan hiç bir düşündiriş berilmezden aýrylandygyny habar berdi. Emma bu film Orsýetiň VK social-media websaýtynda şindi hem elýeterli. Krasowskiý bu filmi rus hökümetiniň ýaýratmak ygtyýarnamasyny almak üçin tabşyrmazdan, 3-nji ýanwarda tutuşlygyna websaýtda çap etmek kararyna geldi. Читать дальше...

19-njy ýanwarda Bakuwda, häkimiýetler tarapyndan ygtyýar berlen demonstrasiýa gatnaşyjylar prezident Ylham Alyýewiň hökümetinden meşhur blogçy Mehman Huseýnowy we beýleki birnäçe adamy azatlyga çykarmagy talap etdiler.

Soňky 4 ýylda däp bolşy ýaly, bu ýyl hem türkmenistanlylar 12-nji ýanwarda Hatyra gününi resmi däl görnüşde bellediler. Resmi Aşgabat 2015-nji ýyldan bäri Hatyra gününi 12-nji ýanwarda ýatlamaýar.

Siriýanyň döwlet telewideniýesi paýtagt Damaskda hereketiň ýygjam wagtynda partlama bolandygyny habar berýär. Günortadaky Kazaz etrabynda 20-nji ýanwarda bolan partlamanyň pidalary barada bada-bat maglumat berilmedi. Döwlet telewideniýesi bu partlamanyň “terror hereketi” bolup görünýändigini belleýär. Hadysanyň bolan ýeriniň töweregindäki ýollar ýapyldy.  Siriýada barýan raýat urşuna garamazdan, hökümet güýçleri geçen ýyl pitneçileriň elindäki ýerleriň köpüsini yzyna alaly bäri, bu ýerde beýle hadysalar az bolýardy.

Merkezi Meksikada benzin geçiriji partlamasynda ölenleriň sany 73-e, ýaraly bolanlaryň sany 74-e ýetdi. Partlamanyň bolan ştatynyň – Hidalgonyň gubernatory Omar Faýad 19-njy ýanwar güni giçlik guralan metbugat ýygnagynda ýangyjyň syzan ýerinden ýene-de bäş jesediň tapylandygyny aýtdy. Bu partlama Meksika şäherinden 85 km çemesi demirgazykda, geçirijiden ýangyç syzan ýerinde boldy. Geçirijidäki ýangyç syzmasy ýangyç ogrularynyň eden işi bolmasyn diýip güman edilýär. Ýüzlerçe adam, şol sanda... Читать дальше...