ايران د افغانستان پولې ته نږدې پوځي تمرينونه ترسره کړي

ایران وايي، د افغانستان پولې ته نږدې یې د خپلو ختیځو پولو په اوږدو کې د تروریستي خوځښتونو په وړاندې پوځي تمرینونه کړي دي.


د ایران د دولتي راډیوتلوېزیون خبري اژانس پرون (دوشنبې) وویل، د دغه هېواد د ځمکني پوځ تمرینونه د طالبانو د حکومت په شمول د ختیځو ګاونډیو هېوادونو په همکارۍ او همغږۍ وشول.


ایران له افغانستان سره په پوله کې ۶۵ کیلومتره دېوال جوړ کړی او ویلي یې دي چې، د کال تر پایه ۳۰۰ کیلومتره نور رغوي.


په خبر کې ویل شوي، په‌‌‌دې پوځي مانوره کې له هیلي‌کوپترو او نورو جنګي وسایلو کې کار اخیستل شوی دی.