په نوي ډېلي کې د مغلو تاریخ ته ځانګړی میوزیم پرانیستل شو
په هند کې د مغل بادشاه همایون ژوند او میراث ته ځانګړی شوی یو نوی میوزیم پرانیستل شوی دی. په دې میوزیم کې د مغلو د دور بېلابېل اثار نندارې ته اېښودل شوي دي. مغل سلطنت په ۱۵۲۶ کال کې په هند کې جوړ شو او همایون یې دویم امپراتور وو، چې له ۱۵۳۰ څخه تر ۱۵۴۰ پورې یې واکمني وکړه خو د شېر شاه سوری له خوا له واکه لرې شو. هغه په ۱۵۵۵ کال کې بیرته واک ته ورسېد او په ۱۵۵۶ کې مړ شو. د همایون له مړینې وروسته، د هغه زوی اکبر اعظم د مغلو واکمن شو.
تفصیل د اسوشیېټیډ پریس خبري اژانس له ویډیو په جوړ رپورټ کې: