د پاکستان سپريم کورټ دپخواني جج ارشد ملک د مبينه ويډيو سکېنډل په اړه د کېس اورېدنه پرون بشپړه کړه. د کېس اوریدنه د چېف جسټس اصف سعيد کوسه په مشرۍ درې کسيزې جرګګۍ وکړ. د اوریدنې په مهال د سپريم کورټ چيف جسټس وویل چې دا ويډيو نواز شريف ته هله ګټه رسولی شي چې څوک په دې لړ کې عدالت ته خواست ورکړي.
د ګالوپ موسسې د افغانستان د امنیتي وضعيت په اړه یو تیاره تصویر وړاندې کړی او ویلي یې دي چې په دې هېواد کې د نظم او قانون څخه د خلکو د رضایت ګراف راښکته شوی دی.
د بشري حقونو د څار نړیوال سازمان هیومن رایټس واچ د افغانستان له حکومته په کلکه وغوښتل چې د افغانستان د فوټبال د فدراسیون پر مخکني مشر کرام الدین کریم چې د ښځینه فوټبالرانو په جنسي ځورونې مجرم پېژندل شوی او د نیولو حکم یې صادر شوی، دغه حکم عملي کړي.