Новости за 10.03.2017

„Потенцирам дека ние ја третираме Турција како наш најважен партнер. Расположени сме да поддржиме интензивен политички дијалог на највисоко ниво“, изјави рускиот претседател Владимир Путин по преговорите со неговиот турски колега Реџеп Таип Ердоган.

Претседателот на САД Доналд Трамп ќе ја замоли канцеларката на Германија Ангела Меркел да го сподели нејзиното мислење за тоа како САД можат да помогнат да се реши конфликтот на истокот на Украина во текот на нивната средба наредната недела, соопштува „Ројтерс“.

Портпаролот на Министерството за надворешни работи на Русија Марија Захарова изрази загриженост поради одлуката на Канада да го продолжи престојот на својата воена мисија во Украина, пренесува „Газета.ру“.

Претседателот на Чешка Милош Земан се нарече себеси за агент на Русија, Кина, Израел и на новата американската администрација. Неговата изјава беше шеговит одговор на прашањето за неговата проруска позиција, соопштува „Чешке Новини“.

Претседателот на Русија Владимир Путин на средбата со својот турски колега Реџеп Таип Ердоган изјави дека обновата на односите меѓу Русија и Турција се одвива со брзо темпо, потенцирајќи дека Москва се радува на тоа, пренесува „Газета.ру“.

Руската влада донесе одлука да дозволи увоз на редица производи од Турција, меѓу кои и на каранфили, кромид, карфиол, брокула и друго.

Доналд Трамп останува главен светски њусмејкер, и голем дел од вестите поврзани со него се однесуваат на Русија. Восприемањето на перспективите на руско-американските односи за време на Трамп е како клацкалка – од очекувања на нагло подобрување до претпоставки дека претседателот избрал цврст приод кон Москва.

Британскиот премиер Тереза Меј ги повика европските сојузници да пружат порешителен отпор на руската агресија и изрази загриженост во врска со заговорот за атентат врз поранешниот премиер на Црна Гора во кој, како што смета таа, е вмешана Русија, соопштува „Блумберг“.

Една од жртвите во падот на хеликоптер во Истанбул е генералниот директор на руската филијала на турската градежна компанија Eczacıbaşı Салим Озен, соопштува „Дејли Сабах“.

Во 2017 година Воздушно-космичките сили на Русија ќе добијат 16 нови ловци-бомбардери Су-34. Вкупно се порачани 92 вакви летала, изјави заменик-министерот за одбрана на Русија Јуриј Борисов при неговата посета на Новосибирскиот авијациски завод „Чкалов“.

Вашингтон планира средба на коалицијата, предводена од САД, за борба против терористичката група „Исламска држава“ на Блискиот Исток. Русија нема да присуствува на преговорите, соопшти во четвртокот вршителот на должноста портпаролот на Стејт департментот Марк Тонер, се вели на сајтот на американскиот дипломатски ресор.