Новости за 21.01.2026

21-январда кыргызстандык белгилүү укук коргоочу Азиза Абдирасуловага Европа кеңешинин Раул Валленберг атындагы сыйлыгы тапшырылды. Еврокеңештин билдирүүсүндө Абдирасулованын Борбор Азиядагы “адам укуктарынын системалуу бузулушун ачыкка чыгаруудагы теңдешсиз аракеттери”, өзгөчө абактагылардын укуктарын, жарандардын эркин чогулуу укуктарын коргоо, кыйноолорго каршы күрөштөгү талбас эмгеги жогору бааланганы белгиленет. Страсбургда сыйлык тапшыруу салтанатында Европа кеңешинин баш катчысы Ален Берсе Абдирасулованын эрдигине жана ынтызарлыгына... Читать дальше...

Дамаск бийлиги күрддөр баштаган Сириянын демократиялык күчтөрү менен төрт күнгө ок атышпоо режимин киргизүү тууралуу макулдашууга жетишилгенин билдирди. Өкмөттүк армия бир нече күндөн бери күрддөр көзөмөлдөгөн райондорду өз көзөмөлүнө алып, алдыга жылып баратат. Күрд кошуундары “Ислам мамлекети” террордук уюмунун согушкерлери деп шектелген миңдеген киши кармалган лагерлерден чегинип, АКШ баштаган коалиция ал жайларды коргоону өзүнө алсын деп үндөөдө.

17-январь күнү Бишкекте Т. А. аттуу келин менен Октябрь райондук ички иштер башкармалыгынын (РИИБ) участкалык милиционери А. Э. Б. аттуу жаранды 350 миң сом пара алып жаткан жеринен кармалганы кабарланды. Алар Улуттук коопсуздук боюнча мамлекеттик комитети (УКМК) Ички иштер министрлигинин (ИИМ) Ички иликтөө кызматы менен чогуу жүргүзүлгөн ыкчам-иликтөө иш-чараларынын натыйжасында кармалып, камакка алынганын атайын кызмат 21-январда маалымдады. Маалыматка ылайык, кармалган жарандар алдын ала сүйлөшүп алып... Читать дальше...

Президент Садыр Жапаров менен Жогорку Кеңештин депутаты Шаирбек Ташиев декларация тапшыруу өнөктүгүнүн алкагында миллиарддык мал-мүлкүн каттады. Кыргызстанда 500 миң сом айлык акыны кимдер алат? Курулуш министри Нурдан Орунтаев айрым кызматкерлердин маянасы боюнча түшүндүрмө берди. Коңшу Казакстанда вице-президент кызматы киргизилип, жаңы парламент Курултай деп аталат. Акордо үчүн мындай өзгөрүүлөр эмнеге керек?

Кыргызстандын президенти Садыр Жапаров кол койгон жарлыкка ылайык, Айбек Артыкбаев өлкөнүн Монголиядагы атайын жана ыйгарым укуктуу элчиси кызматынан бошотулду. Тиешелүү жарлык президенттин сайтына 21-январда жарыяланды. Ушул эле күнү президенттин дагы бир жарлыгынын негизинде Айбек Молдогазиев Кыргызстандын АКШдагы элчиси кызматынан бошотулуп, Монголиядагы элчи болуп дайындалды. 50 жаштагы Айбек Артыкбаев Монголиядагы элчи кызматына 2023-жылдын июлунда дайындалган. Ага чейин тышкы иштер министрине орун басар болуп иштеген. Читать дальше...

Кыргызстанда бийлик алмашуу менен аяктаган Октябрь окуяларынын башкы каармандарынын бири катары таанылган Сыймык Жапыкеев тууралуу талаш-талкуу токтой элек.

Европанын НАТОго мүчө өлкөлөрү менен Вашингтондун пикир келишпестиги кайда алып барат?

21-январда президент Садыр Жапаров өлкөнүн жеңил өнөр жай тармагынын өкүлдөрү менен жолугушту. Бул тууралуу Президенттин администрациясы кабарлады. Иш-чарага өлкөнүн тигүү тармагынын, маркетплейстердин, логистикалык компаниялардын, мамлекеттик жана коммерциялык банктардын өкүлдөрү, ошондой эле тиешелүү мамлекеттик органдардын жетекчилери катышты. Жолугушууда тармакты өнүктүрүүнүн учурдагы көйгөйлүү маселелери айтылып, аларды чечүү боюнча сунуштар берилип, талкуу жүрдү. Мамлекет башчы жеңил өнөр жайы... Читать дальше...

20-январда 86 жаш курагында ири окумуштуу, адабият таануучу, сынчы, акын Омор Сооронов (О. Соорон-Сопу) дүйнөдөн кайтты. Бул тууралуу 21-январда Улуттук илимдер академиясынын Чыңгыз Айтматов атындагы Адабият институту кабарлап, анын туугандарына жана жакындарына көңүл айтты. Омор Сооронов Базар-Коргон районунун Гөлөгөн айылында туулган. Эмгек жолун 1958-жылы Базар-Коргон басмаканасында арип терүүчү болуп иштөө менен баштаган. 1959-1962-жылдары советтик армиянын катарында кызмат өтөп, 1967-жылы Жалал-Абаддагы... Читать дальше...

Шашылыш билдирүү: 21-январга чейинки жаан-чачынга жана шамалдын күчөшүнө байланыштуу, Кыргызстандын тоолуу райондорунда, Бишкек-Ош жолундагы Төө-Ашуу, Ала-Бел ашууларында, Чычкан капчыгайында, Ала-Бука-Каныш-Кыя жолундагы Чапчыма ашуусунда, Красная-Горка-Ак-Таш, Мырза-Аке-Кара-Кулжа-Алайкуу жолдорунда, Каракол-Эңилчек жолундагы Чоң-Ашуу, Балыкчы-Казарман-Жалал-Абад жолундагы Көк-Арт ашуусунда кар көчкү түшүп, кар күрткүсү күтүлөт, жолдор тайгак болуп муз тоңот. Унаалардын ортосундагы 500 метр аралык чектелиши зарыл. Читать дальше...

Жапониянын Нара шаардык сотунун чечими менен мурдагы премьер Синдзо Абэни атып өлтүргөн киши өмүр бою абакка кесилди. "Киодо" агенттиги жазгандай, 45 жаштагы Тэцуя Ямагами Абэни колго жасалган курал менен атканын моюнга алган. 2022-жылы Нарада болгон окуядан кийин Абэ ооруканада үзүлгөн. Сотто айыпталуучунун актоочулары аны 20 жылдан ашуун убакытка эркинен ажыратууну сурады. Адвокаттар "Ямагами диний топтун зомбулугунун курмандыгы болгон, анын бала чагында баштан өткөргөн тагдыры Абэни өлтүрүүгө түрткөн" деген жүйө келтиришти. Читать дальше...

Президенттин Чүй облусундагы мурдагы өкүлү Мирбек Мияров Кылмыш-жаза кодексинин 176-беренеси ("Эки жана андан көп аял алуу") менен айыпталууда. Ага козголгон иш боюнча соттук териштирүү Бишкектин Октябрь райондук сотунда жүрүп жатат. Маалыматты Бишкек шаардык сотунун коомчулук менен байланышуу кызматкери Айсулуу Жаасынова ырастап, иш Октябрь райондук сотунда каралып жатканын "Азаттыкка" билдирди. Мирбек Мияровго 1-декабрда Октябрь райондук милициясы Кылмыш-жаза кодексинин 176-беренеси ("Эки жана андан көп аял алуу") менен кылмыш ишин козгогон. Читать дальше...

Агартуу министри Догдуркүл Кендирбаева Бишкек шаарында окуучуну чаап жибергени ачыкка чыгып, текшерүүдөн соң иштен алынган мугалим балдарга дайыма кол көтөрүп жүргөнүн билдирди. Бул тууралуу ал 21-январда Өзгөндөгү мектептин спорт комплексинин ачылышында сүйлөп жатып айтты. Министр бул окуя башка мугалимдерге да сабак болушу керектигин белгилеп, мындай аракеттерге таптакыр жол берилбестигин кошумчалады: “Ал мугалим системалуу түрдө балага кол көтөрүп келген экен. Буга чейин да болгон окуялары бар экен. Читать дальше...

21 жаштагы Нурай Серикбай 11-январда Чымкент шаарында киши колдуу болгон. Тергөөнүн маалыматында, анын өлүмүнө шектүү 28 жаштагы Шерхан Аймахан көптөн бери кыздын артынан аңдып жүргөн. Ал Нурайга бир нече жолу бычак сайган. Кыз алган жаракатынан набыт болгон. Аймахан кармалып, ага "киши өлтүрүү" боюнча кылмыш иши козголду. Кыздын өлүмүнөн кийин казак коомунда талкуу күчөдү. Чымкент полициясынын кызматкерлеринин иш-аракеттерин текшерүү башталды. 2025-жылдын күз айларынан баштап Казакстанда сталкинг... Читать дальше...

Ала-Тоодо төрөлүп, Европанын чок ортосунда өз ордун тапкан Раушан Бүйүк Германиянын саясий турмушуна активдүү аралашып келет. Ал Айслинген шаарында Христиан-демократтык союз партиясынын тең төрайымы болуп, шайлоо өнөктүктөрүн уюштуруп, шайлоочулар менен түз иштешет. Былтыр Бундестагга шайлоодо Христиан-демократтык союз жеңишке жеткен, Германиянын канцлери Фридрих Мерц да дал ушул партиянын өкүлү.Кыргызстанда башталган жол аны Германиянын парламент имараттарына чейин алып келди.

Орусиянын Камчатка жарым аралында эки метрден ашуун кар түшүп, үйлөрдүн экинчи кабатына чейин жетти. Петропавловск-Камчатский шаарында абал оор, чатырдан түшкөн кар эки адамды басып калды. Көп кабаттуу үйлөрдүн биринчи кабаттары толугу менен карга көмүлүп, айрым райондордо тургундар үйдөн чыга албай калды. Кээ бирлер биринчи кабаттагы терезелерден карга секирип түшүп, сыртка чыгууга аргасыз болушкан.

Президент Садыр Жапаровдун 21-январдагы жарлыгына ылайык, Нарын облусундагы Ат-Башы районунун акими Эмилбек Абдыкадыров ээлеген кызматынан бошотулду. Мамлекет башчынын дагы бир жарлыгы менен ал Чүй районуна аким болуп дайындалды. Ушул эле күнү Жапаровдун Чүй районунун акими Руслан Тагаевди кызматтан бошоткон жарлыгы жарыяланды. Бир ай мурун Русланбек Тагаевди Улуттук коопсуздук мамлекеттик комитети (УКМК) кызмат абалынан кыянат пайдалануу беренеси менен айыптап, камакка алган. Русланбек Тагаевдин... Читать дальше...

Испаниянын Каталония аймагында 20-январдын кечинде жүргүнчү ташыган поезд кырсыктап, бир адам (машинист) каза болду. Дагы 37 киши жаракат алганын El País басылмасы жазды. Кырсык Сант-Садурни-д’Анойя жана Желида станцияларынын ортосунда, Барселонадан 50 чакырым аралыкта болгон. Басылманын маалыматына ылайык, поезд рельстерге кулап түшкөн таяныч дубалга урунган. Кырсык тууралуу алгачкы маалымат чукул жардам кызматына саат 21:02де түщкөн. Жаракат алгандардын ичинен беш адамдын абалы оор, алты киши орто оор абалда, 26 адам жеңил жаракат алышкан.

Жогорку Кеңештин депутаты Азиз Турсунбаев Кыргызстанда соңку административдик-аймактык реформада айыл аймактар ирилешкени менен аларды тейлеген айыл өкмөттөрдүн кызматкерлеринин штаттык бирдиги аз болуп түзүлүп калганын билдирди. Эл өкүлү бул маселени 21-январда парламенттин жыйынындагы ар кандай маселелер бөлүгүндө көтөрдү. “Мисалы, Ала-Бука районунун Ала-Бука, Өрүктү, Балтагул айыл аймактары бириктирилип, Ала-Бука айыл аймагы деп аталып калган. Кошулгандан кийин айыл аймакта калктын саны 53 миңден ашыптыр. Читать дальше...

Кыргызстанда майыптыгы бар адамдардын жөлөк пулун жана аларды караган жеке ассистенттердин айлык маянасын көбөйтүү тууралуу маселе Жогорку Кеңештин 21-январдагы отурумунда көтөрүлдү. Депутат Марлен Маматалиев ушул тапта майыптыгы бар адамдар алып жаткан жөлөк пул жана аларды караган жеке ассистенттердин айлык акысы аз экенин белгиледи. "Майыптыгы бар адамдарды караган жеке ассистенттин айлыгы 7 миң сом. Бул акча бүгүн эчтекеге жетпейт. Эгер туугандары көп болсо го жакшы, бирок майыптыгы бар баласын же башкасын карап отурган жалгыз адам болсо... Читать дальше...

Казакстандын президенти Касым-Жомарт Токаев 145 депутаттан турган бир палаталуу парламент түзүп, аны “Курултай” деп атоону демилгеледи. Ошондой эле өлкөдө 30 жыл мурда жоюлган вице-президент кызматын кайрадан киргизүүнү сунуштады.

АКШ президенти Дональд Трамптын учагы "электр жабдууларындагы майда маселелерден" улам Эндрюс базасына кайтууга мажбур болду. АКШ президенти Швейцарияга, Дүйнөлүк экономикалык форумга катышуу үчүн бара жаткан. Ак үйдүн басма сөз катчысы Кэролайн Левитт экипаж жерден көтөрүлгөндөн көп өтпөй "этияттык үчүн" базага кайтууну чечкенин билдирди. Учакта бир нече жарык берүүчү прибор иштебей калган. Эми президент Трамп Швейцарияга башка учак менен барат. Трамп жана анын кабинет мүчөлөрү Давосто европалык лидерлер менен жолугушууну пландоодо. Читать дальше...

Курулуш, архитектура жана турак жай-коммуналдык чарба министри Нурдан Орунтаев Курулуш министрлигинин кызматкерлеринин маянасы жөнүндө өзү айткан сөзгө түшүндүрмө берип, акы 500 миң сомго чейин жеткен себебине түшүндүрмө берди. Орунтаев “Ала-Тоо 24” телеканалына 31-декабрда чыккан интервьюсунда Курулуш министрлигинин департаменттеринде иштеген кызматкерлердин маянасы орточо 150-160 миң сомго жеткирилгенин, айрымдары 200 миң сомго чейин аларын билдирген. Мунун кыскача үзүндүсү социалдык түйүндөрдө өзүнчө тараган соң коомчулукта талкуу чыккан. Читать дальше...

Бишкекте вебкам, сойкулук жана башка бузукулук иштерин уюштурууга жана ага көмөктөшүүгө шек саналып А.А.А., Б.Б.С., Э.А.Э. жана О.Э.К. аттуу жарандар кармалганын 21-январда Улуттук коопсуздук боюнча мамлекеттик комитет (УКМК) билдирди. Мекеменин маалыматына караганда, шектүүлөр Казакстанда да вебкам студиялар тармагын уюштуруп, алардын иштөөсүн камсыздап турушкан, иш-аракеттерин жашыруу жана маалыматты жашыруун сактоо максатында Бишкектин булуң-бурчтарынан батирлерди ижарага алышкан. Кармалгандардын жашаган жерин тинтүү учурунда веб-камералар... Читать дальше...

"Манас" эл аралык аэропортунун сайтында көрүнүп тургандай, Бишкектен Анталия, Казан жана Шарм-эл-Шейх шаарларына кетүүчү таңкы учак каттамдары кармалды. Казанга учуунун убактысы жылдырылса, калган эки шаардыкы дале кармалып турат. “Кыргызстан аэропорттору” компаниясынын басма сөз кызматы жүргүнчүлөргө өз каттамын тактап, жаңыланган маалыматтарды карап туруу сунушталганын билдирүүдө. Эки күн мурун да ушул эле аба майданда тумандан улам төрт учак каттамы токтотулган. "Кыргызстан аэропорттору" мамлекеттик... Читать дальше...