Барцыцԥҳа: сышәҟәы "Абааҭатәи аццышәқәа" азы 40 шықәса аматериал еизызгон
Апоетесса Белла Барцыцԥҳа 40 шықәса аус здылулоз, 37-тәи ашықәс еиқәаҵәақәа раан, харада ахара зыдҵаны ирӡаз, 500 екземплиар иҟоу, Гагреи Гәдоуҭеи араионқәа рхаҭарнакцәа 160-ҩык ргәалашәареи, лхатә ҭаацәаратә гәырҩеи зныԥшуа ашәҟәы "Абааҭатәи аццышәқәа" аӡыргара мҩаԥган. Апоетесса еиҭалҳәеит, ашәҟәы аҭыжьразы аматериал шеизылгоз атәы.