18 сентябрьгә һава торышы һәм ай календаре

18 сентябрьдә Татарстанда алмашынучан болытлы, явым-төшемнәрсез һава торышы була. Җил төрле юнәлештә, секундына 2-7 метр тизлектә исә. Төнлә һава температурасы +6..+11˚, көнчыгыш һәм көньяк районнарда +1..+6˚, туфракта урыны белән 0˚ кырау төшәргә мөмкин. Көндез һава температурасы +20..+25˚ градус.

Тулы ай.

Үсемлекләрне утырту, күчереп утырту, кисү өчен уңышлы көн түгел. Туфракны йомшартырга һәм мүлчәләргә була. Яшелчә тозлау өчен дә уңышлы көн дип саналмый. Чәчәк, яфрак һәм дару үләннәре җыярга киңәш ителә. Буш калган туфракны эшкәртергә, органик һәм минерал ашламалар кертергә кирәк.