Бавария раҳбари Чемпионлар лигаси қуръаси ҳақида гапирди

Мюнхеннинг «Бавария» клуби бош директори Ян-Кристиан Дризен Чемпионлар лигаси плей-оффидаги қуръадан кейинги вазиятга муносабат билдирди. Немис гранди мураккаб йўлакка тушиб қолди: агар жамоа «Аталанта»дан ўтса, кейинги босқичда «Реал» – «Манчестер Сити» жуфтлиги ғолиби билан тўқнаш келади. Бу ҳақда euro-football.ru хабар беради.

Дризеннинг таъкидлашича, турнир тўрининг ўнг томони анча енгил кўринади ва «Бавария» чап томонга тушганидан хурсанд эканини айтиш қийин. Шу билан бирга, у кучли рақибларга қарши ўйнаш ва оғир ўйинлар жамоани чиниқтиришини ҳам қайд этди.

Клуб раҳбари ҳозир барча эътибор «Аталанта»га қаратилганини урғулади. Унинг сўзларига кўра, бергамоликлар «Боруссия»га қарши ўйинларда ўз кучини кўрсатган ва уларга жиддий ёндашиш шарт. Дризен «Аталанта» Европа лигасини ютганини, финалда «Байер»ни мағлуб этганини эслатиб, бу жамоани «но-нейм» деб бўлмаслигини айтди.

Илк учрашув 10 март куни бўлиб ўтади: «Аталанта» ўз майдонида «Байер»ни қабул қилади.