Эдуард Мор «Рома» ва «Ювентус»нинг 3:3 ўйинини баҳолади

Москванинг «Спартак» клубида тўп сурган собиқ ҳимоячи, ҳозирда футбол эксперти сифатида фаолият юритаётган Эдуард Мор А Сериянинг 27-турида «Рома» ва «Ювентус» ўртасида кечган голли дуранг ҳақида фикр билдирди. Учрашув 3:3 ҳисобида якунланди. Бу ҳақда euro-football.ru хабар беради.

«Ҳисоб 1:3 бўлиб турганида, “Ювентус” бу ўйинни сақлаб қололмайди, деб ўйлагандим. Лекин улар яна бир бор якунга келиб вазиятни ўзгартиришди. Спаллетти жамоаси характер кўрсатди. Ажойиб учрашув бўлди», — деди Мор «Матч ТВ» эфирида.

Ўйиндан сўнг «Рома» 51 очко жамғариб, Италия чемпионати турнир жадвалида тўртинчи ўринда бормоқда. Лучано Спаллетти қўл остидаги жамоа эса 47 очко билан олтинчи поғонада жойлашган.