«Ливерпул» АПЛ тарихида биринчи бўлимда бурчакдан 3 гол урди

Англия Премьер-лигасининг 28-тур учрашувида амалдаги чемпион «Ливерпул» «Вест Ҳэм» устидан йирик ҳисобда ғалаба қозонди — 5:2. Бу ҳақда euro-football.ru хабар беради.

Меҳмонлар бу муваффақият пойдеворини танаффусгача қуриб қўйди: биринчи бўлимда «Ливерпул» жавобсиз учта гол урди.

Энг қизиғи, ўша уч голнинг барчаси бурчак зарбасидан узатилган тўпдан сўнг рақиб дарвозасига йўл топди. Ўйиндан кейинги статистик маълумотларга кўра, «Ливерпул» АПЛ тарихида биринчи бўлимдаёқ бурчак тўпларидан уч марта гол урган атиги иккинчи клуб бўлди.

Бундай натижа илк бор 2016 йилда «Манчестер Юнайтед» томонидан «Лестер»га қарши баҳсда қайд этилган эди. Қизиқ тасодиф, ўша пайтда «Лестер» ҳам амалдаги чемпион мақомида майдонга тушган.