Роналду ғалабадан кейин пост қолдирди, пенальти эса омадсиз чиқди

«Ал-Наср» ҳужумчиси Криштиану Роналду Саудия Арабистони чемпионатида «Ал-Фейҳа» устидан 3:1 ҳисобидаги ғалабадан сўнг ижтимоий тармоқларда қисқа пост билан чиқди. Бу ҳақда euro-football.ru хабар беради.

41 ёшли португалиялик футболчи учрашув бошида ҳисобни очиш имконига эга эди, бироқ пенальти зарбасини голга айлантира олмади. Роналду ўйин давомида ҳам рақиб дарвозасини ишғол эта олмади ва 81-дақиқада захирага олинди.

Баҳс якунида ҳужумчи: «Бирга ўсишда давом этамиз! Муҳим ғалаба!» — дея ёзди.

24-турдан кейин «Ал-Наср» 61 очко билан Саудия лигаси турнир жадвалида пешқадамлик қилмоқда. Иккинчи ўринда «Ал-Аҳли» (59), кучли учликни эса «Ал-Ҳилол» (58) якунлаб турибди.