Симеоне «Атлетико» ғалабасидан кейин муҳим фикр билдирди

Ла Лиганинг навбатдаги учрашувида Мадриднинг «Атлетико» клуби «Оведо»ни 1:0 ҳисобида мағлуб этиб, минимал, аммо жуда қимматли уч очкони қўлга киритди. Бу ҳақда euro-football.ru хабар беради.

Ўйиндан сўнг «матрасчилар» бош мураббийи Диего Симеоне жамоасининг ғалабасини баҳолаб, ушбу натижа турнир жадвали нуқтайи назаридан ниҳоятда зарур бўлганини таъкидлади. Унинг айтишича, учрашув давомида «Атлетико» аста-секин ўз ўйинини топган, танаффусдан кейин эса анча фаол ҳаракат қилиб, чиройли гол уришга эришган.

Симеоне, шунингдек, «Вильярреал»нинг мағлубияти фонида ғалаба янада муҳим бўлганини қайд этди. Бу натижадан сўнг Мадрид гранди 51 очко жамғариб, Испания чемпионати жадвалида «Вильярреал»га етиб олди.