Слуцкий бошқарувидаги Shanghai Shenhua Buriramга ютқазди

Осиё Чемпионлар лигасида етти турдан сўнг «Shanghai Shenhua» плей-оффга чиқиш имкониятини бой берганди. 8-турда жамоа Леонид Слуцкий қўл остида «Buriram United»га қарши ҳеч бўлмаганда турнир билан муносиб хайрлашишга уриниб кўрди, аммо бунга ҳам эриша олмади. Бу ҳақда euro-football.ru хабар беради.

Тайланд клуби 2:0 ҳисобида ғалаба қозонди. Мезбонлар биринчи бўлимнинг бошидаёқ кетма-кет икки бор рақиб дарвозасини ишғол қилди: 11-дақиқада Гуд Кёртис, 22-дақиқада эса Супханат Муеанта гол урди. Тез орада «Shanghai Shenhua» бир футболчидан айрилиб, майдонда сон жиҳатдан кам қолганидан кейин ўйин интригаcига ҳам путур етди.

Маълумот учун, Леонид Слуцкийнинг «Shanghai Shenhua» билан амалдаги шартномаси 2027 йил якунигача мўлжалланган.