Криштиану Роналду Европанинг топ клубига қайтиши мумкин

Криштиану Роналду "Ал-Наср" билан келишмовчиликларни ортда қолдирди ва бойкотдан сўнг яна майдонга қайтди. Шунга қарамай, ёзда португалиялик суперюлдуз клубини ўзгартириши эҳтимоли бор. Бу ҳақда euro-football.ru хабар беради.

The Touchline хабарига кўра, агент Жорже Мендеш Европанинг бир қатор топ клублари билан боғланиб, 41 ёшли Роналдуни ёзги трансфер ойнасида таркибга қўшишни таклиф қилмоқда.

Аввалроқ ОАВда Роналду "Манчестер Юнайтед"дан кетганидан кейинги келишмовчиликлар сабаб Мендеш билан ҳамкорликни тўхтатгани ҳақида гап-сўзлар тарқалган эди. Бироқ Transfermarkt маълумотларида Криштиану ҳануз Мендеш агентлигининг мижозлари қаторида кўрсатилган.

Роналду "Ал-Наср" билан амалдаги шартнома асосида 2027 йил ўрталаригача боғланган.