Англияда «Челси» футболчиларининг болаларга муносабати танқид қилинди

Ўтган дам олиш кунлари Лондоннинг «Челси» клуби Англия Кубоги доирасида «Ҳалл Сити»га қарши майдонга тушди. Ўйинолди маросимида «Челси» футболчилари стадионга чиқишда «Ҳалл Сити»нинг болалар жамоасидан келган ёш футболчилар саф тортиб турган йўлакдан ўтиб кетишди. Бу ҳақда euro-football.ru хабар беради.

Кўпчилик меҳмонлар ҳеч бўлмаса болаларга қисқа эътибор кўрсатишини кутганди, бироқ видеёзувларда «Челси» ўйинчилари уларни бутунлай эътиборсиз қолдиргани акс этди.

Ушбу ҳолат Англияда жиддий баҳс-мунозарага сабаб бўлди. Кўплар клуб раҳбарияти бундай муносабат учун узр сўраши кераклигини айтмоқда, футболчиларнинг ўзи эса бундан уялиши лозим, деган фикрлар янграмоқда. Қизиғи, бу танқидлар «Челси» мухлислари орасида ҳам кенг қўллаб-қувватланмоқда.