Тотти Моуриню билан ишламаганидан афсусда қолганини айтди

“Рома”нинг собиқ сардори Франческо Тотти португалиялик мураббий Жозе Моуриню қўл остида ишлаш насиб этмаганидан афсусда эканини билдирди. Моуриню яқинда римликлар билан бирга фаолият юритган, бироқ бу давр Тоттига тааллуқли эмас — афсона футболчи 2017 йилда карьерасини якунлаган. Бу ҳақда euro-football.ru хабар беради.

Тоттининг таъкидлашича, Моуриню даврида у ўз имкониятларини янада тўлиқроқ намоён қила олган бўларди. Унинг фикрича, португалиялик мутахассис очиқкўнгил, футболчиларга майдонда эркинлик берадиган мураббий сифатида танилган ва жамоани бошқаришда жуда кучли.

“Сенда шунча иқтидорли футболчи бўлса, уларни шунчаки машқ қилдириш етмайди — энг муҳими, тўғри бошқара билиш,” дея Тоттининг сўзларини fcinter1908.it келтиради.

Эслатиб ўтамиз, ҳозирда “Рома” А Серияда бешинчи ўринда бормоқда.