Паганин Наполининг чемпионликни сақлаб қолишига ишонмаяпти

“Интер”нинг собиқ футболчиси Антонио Паганин “Наполи” ўтган мавсум қўлга киритган чемпионлик унвонини бу сафар ҳимоя қила олишига шубҳа билдирди. Унинг фикрича, турнир жадвалида ҳозирча неаполликлар ортда бўлса ҳам, “Ювентус” Милан клублари ўртасидаги чемпионлик пойгасига жиддий аралаша олади. Бу ҳақда euro-football.ru хабар беради.

Паганин, шунингдек, мураббий Лучано Спаллеттининг ишини юқори баҳолаб, унинг миллий жамоа билан омадсиз даври нега юз берганини ҳануз тушунмаслигини айтди. “Милан”нинг муҳим устунлиги сифатида уларнинг кубок ўйинларисиз ҳаракат қилишини кўрсатди, “Интер” эса очколар бўйича олдинда бўлса-да, олдинда дерби ва яна бир қатор ҳал қилувчи учрашувлар борлигини таъкидлади. “Ҳамма нарсани 8 март куни бўладиган дерби ҳал қилади”, — дея Паганиннинг сўзларини fcinter1908.it келтирди.

Эслатиб ўтамиз, Антонио Паганин 1990–1995 йилларда “Интер” сафида тўп сурган.