«Марсел» мухлислари «Страсбург»га қарши ўйинда президент ложасига йўл олди

Франциянинг «Марсел» клуби оғир даврни бошдан кечирмоқда: «ПСЖ»дан 0:5 ҳисобидаги мағлубият раҳбарият учун жуда катта зарба бўлди ва натижада бош мураббий Роберто де Дзерби билан ҳамкорлик якунланди. Бу ҳақда euro-football.ru хабар беради.

Орадан кўп ўтмай клубнинг спорт директори Меҳди Бенатия ҳам лавозимини тарк этди. Бироқ бу ўзгаришлар трибунадаги кескинликни пасайтирмади: «Страсбург»га қарши учрашувда мухлислар «Марсел» президенти Винсан Лабруннинг истеъфосини талаб қилган қўшиқларни жаранглатди.

Бундан ташқари, энг кескин кайфиятдаги гуруҳ Лабруннинг VIP-ложасига киришга уринди, аммо полиция тезкор ҳаракат қилиб, секторни ўраб олди ва вазиятни назоратга олди. Бу ҳақда La Provence нашри хабар берди.