Бенни Маккарти Роналдуни ҳайрат билан кузатмаганини айтди

Бир неча йил аввал Бенни Маккарти “Манчестер Юнайтед”да ҳужумчилар бўйича мураббий сифатида ишлаган. Собиқ футболчи таъкидлашича, у Криштиану Роналду билан ишлашдан асло чўчимаган. Бу ҳақда euro-football.ru хабар беради.

Маккартининг сўзларига кўра, ҳатто дунёнинг энг кучли футболчиларидан бири бўлган Роналдуга ҳам у нимадир ўргата олган, чунки тажрибаси ва ёши каттароқ. “Нега энди мен ‘вау’ дейишим керак? Фақат у Роналду бўлгани учун қойил қолишим шартми? Йўқ, мен у ерга ниманидир бериш учун борганман”, — деди Маккарти Creamer Media билан суҳбатда.

Эслатиб ўтамиз, Криштиану Роналду 2022 йил охирида “Манчестер Юнайтед”ни фаолиятида иккинчи бор тарк этди. Орадан кўп ўтмай португалиялик юлдуз ҳужумчи “Ал-Наср” билан шартнома имзолади.