«Бока Хуниорс» спорт директори лавозимига Марсело Делгадо тайинланди

Аргентина гранди «Бока Хуниорс» клубида янги спорт директори маълум қилинди — бу лавозимни Марсело Делгадо эгаллади. У клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.

Жамоа таркибини тезроқ кучайтириш зарурати борлиги таъкидланмоқда, шу сабаб Делгадо ва Рикелме олдида трансферлар бўйича муҳим вазифалар турибди.

Делгадо футболчи сифатида ҳам катта тажрибага эга: у Аргентина терма жамоасида 1995–2002 йиллар оралиғида 18 ўйин ўтказган ва 1998 йилги жаҳон чемпионатида ҳам қатнашган.

Шунингдек, 2003 йилда у Либертадорес кубогининг энг яхши тўпурари бўлган — бу натижани «Сантос» ҳужумчиси Рикардо Оливейра билан бирга қайд этган.