«Удинезе» колумбиялик вингер Хуан Арисалани сафига қўшиб олди

Италиянинг «Удинезе» клуби таркибини кучайтирганини эълон қилди. Жамоага 20 ёшли колумбиялик вингер Хуан Арисала қўшилди. Бу ҳақда euro-football.ru хабар беради.

Арисала бунгача Меделлиннинг «Индепендйенте» клубида тўп суриб, уч йил давомида 3 та гол муаллифига айланган. Ўтган йилдан бери у Колумбия ёшлар терма жамоасига ҳам жалб этиб келинмоқда.

Футболчининг айтишича, бошқа вариантлар бўлса-да, у «Удинезе»ни танлаган: бу ерда у танийдиган колумбиялик футболчилар ҳам ўйнаган. Арисала айнан шу клубда ўз ўйинини янада ривожлантиришига ишонмоқда.

Ҳозирда «Удинезе» А Серияда 9-ўринни эгаллаб турибди.