Давид Трезеге Буэнос-Айресда “Ривер Плейт” раҳбариятига қайтди

Туриннинг “Ювентус” клуби ва Франция терма жамоасининг собиқ ҳужумчиси Давид Трезеге яна Аргентинага қайтди. У аввалроқ “Ривер Плейт” сафида тўп сурган, ҳатто клуб билан мамлакатнинг иккинчи дивизионида чемпионликни ҳам қўлга киритган эди. Бу ҳақда euro-football.ru хабар беради.

Эндиликда Трезеге Буэнос-Айресдаги жамоага футболчи сифатида эмас, бошқарув бўғини вакили сифатида қўшилмоқда. Клуб уни бутун раҳбарият иштирокида расман таништирди.

Трезегенинг “Ривер Плейт”даги аниқ лавозими очиқланмаган, бироқ у стратегик масалалар билан шуғулланиши ва клубни институционал даражада намоён этиши айтилди.

Эслатиб ўтамиз, француз футболчи фаолиятини 2015 йилда якунлаган.