Жикия агенти ҳимоячининг «Антальяспор»дан кетиши ҳақидаги гапларга жавоб берди

«Антальяспор» ҳимоячиси Георгий Жикиянинг агенти Владимир Кузьмичёв футболчининг келажаги борасидаги миш-мишларга муносабат билдирди. Бу ҳақда euro-football.ru хабар беради.

Унинг айтишича, Жикиянинг аҳволи жойида ва клуб мураббийлар штаби унга ишонмоқда. Сўнгги ўйинларда майдонга тушмагани эса микрожароҳат билан боғлиқ бўлган. Агентнинг таъкидлашича, ҳимоячи тикланиб бўлган ва кейинги учрашувдайоқ сафга қайтиши кутилмоқда.

Аввалроқ оммавий ахборот воситаларида турк клуби «Спартак»нинг собиқ сардори билан хайрлашмоқчи экани ҳақида хабарлар тарқалганди.

Жикия бу мавсум Туркия чемпионатида 12 та ўйинда қатнашиб, 2 марта рақиб дарвозасини ишғол қилган. Унинг «Антальяспор» билан шартномаси 2027 йил ўрталаргача амал қилади.