Россия мураббийи Дзюбанинг терма жамоага қайтишини тушунтирди

Россия терма жамоаси бош мураббийи Валерий Карпин штабида ишловчи Николай Писарев март ойида ҳужумчи Артём Дзюбанинг яна миллий жамоага чақирилиши бўйича фикр билдирди. Бу ҳақда euro-football.ru хабар беради.

Писаревнинг айтишича, Карпин ундан “Акрон”нинг ўйинига бориб, Дзюбани жойида кузатишни сўраган. Мураббий учрашувни томоша қилганидан сўнг, ҳужумчи гол уриб, яна бир голга узатма берганини, бундан олдин ҳам бир неча ўйинда кетма-кет самарали ҳаракат қилганини таъкидлади. Писаревга кўра, бундай форма терма жамоага чақирувга муносиб эди.

Мутахассис терма жамоада 30 ёшдан катталарни умуман чақирмаслик каби қатъий қоида йўқлигини, бироқ жамоа келажак учун шакллантирилаётгани сабаб бу мезонга имкон қадар амал қилиш маъқул эканини айтди. Шунингдек, Дзюба чақирилган пайтда ҳужумчилар борасида вазият мураккаб бўлганини, ҳозир эса шунга ўхшаш муаммо қанот ҳимоячилари чизиғида кузатилаётганини қўшимча қилди. Шу боис мураббийлар штаби ўз вақтида тажрибали Дуглас номзодини ҳам кўриб чиққан.

37 ёшли Артём Дзюба Россия терма жамоаси сафида 56 ўйинда майдонга тушиб, 31 та гол урган ва 16 та голли узатмани амалга оширган. Ҳозирда “Акрон” ҳужумчиси миллий жамоа тарихидаги энг сермаҳсул тўпурар ҳисобланади.