Рабио Леау аллақачон кучини кўрсатганини айтди

Франциялик ярим ҳимоячи Адриен Рабио Массимилиано Аллегри қўл остида португалиялик ҳужумчи Рафаэл Леау янада яхшиланиб, ижобий томонга ўзгараётганини таъкидлади. «Леауда катта салоҳият бор, у кўп бор ўз кучини кўрсатган.

Ҳозир мен унинг Аллегри раҳбарлигида қандай такомиллашаётганини кўряпман. Барчамиз тушунамиз — у яна ўсишда давом этиши керак.

У ўз олдига аниқ мақсад қўйиб, шу йўлда ишлаши лозим», — дея Рабионинг сўзларини pianetamilan.it келтиради. Эслатиб ўтамиз, Леау 2019 йилдан бери «Милан» сафида тўп суради.

У клуб билан 2022 йилда чемпионликни қўлга киритган. Ҳозир жамоа А Серияда иккинчи ўринда бормоқда.