Суперлигада «Йил кашфиёти» учун кураш шиддат билан қизимоқда

ЎзПФЛ 2025 йилги Суперлига мавсумининг энг ёрқин ва тез ўсишга эришган футболчилари орасида «Йил кашфиёти» номинацияси учун даъвогарлар рўйхатини янгилаб, олти номзодни эълон қилди. Қизиғи, аввалги рўйхатда бўлган «Бухоро» ҳужумчиси Жавоҳир Рўзиев бу сафар номзодлар орасида қолмади.

Яқин ўтган мавсумда ўз ўйини, самарадорлиги ва барқарорлиги билан жамоаларига катта ҳисса қўшган ўйинчилар қуйидагилар:

Аббос Ғуломов («Навбаҳор»)

29 учрашув, 10та гол, 2та ассист. 2280 дақиқа майдонда ҳаракат қилган футболчи наманганликларнинг ҳужумдаги асосий қуролларидан бирига айланди.

Носиржон Абдусаломов («Бунёдкор»)

21 ўйинда 3та гол ҳамда 6та голли узатма. Жами 1247 дақиқа. Ёш ижрочи "қалдирғочлар" учун муҳим ҳужум ижодкорларидан бири бўлди.

Муҳаммадрасул Абдумажидов («Пахтакор»)

22 баҳс, 1957 дақиқа ва 1 ассист. «Шерлар» таркибида ўзининг диққатга сазовор барқарор ўйини билан танилди.

Жаҳонгир Ўрозов («Динамо»)

27 ўйин, 2430 дақиқа ва 1 ассист. Самарқандлик футболчи мавсум давомида ҳимояда ўзини ишончли кўрсатди.

Рустам Турдимуродов («Сурхон»)

29 учрашув, 7та гол ва 2 ассист. Жами 2219 дақиқа. «Сурхон»нинг энг муҳим ҳужумкор ўйинчиларидан бирига айланди.

Нодирбек Абдураззоқов (ОКМК)

29 баҳс, 6та гол, 2 ассист ва 1880 дақиқа. Ёш ҳужумкор ўйинчи ўзининг жадал ўсиши билан кўпчиликнинг эътиборини тортди.

Мазкур номинацияда ғолиб ким бўлиши тез орада маълум бўлади. Бир нарса аниқ — бу футболчиларнинг ҳар бири Суперлиганинг ёрқин кашфиётларидан бирига айланишга муносиб. Мавсум давомидаги меҳнат, ўсиш ва таъсир — барчаси ушбу рўйхатга кириш учун муҳим омил бўлди.