Жорже Жезуш Роналду голи ҳақида фикр билдирди

Ал-Наср бош мураббийи Жорже Жезуш Саудия Арабистони чемпионати доирасида Ал-Халийжага қарши ўйинда (4:1) Криштиану Роналду томонидан урилган голни юқори баҳолади. 40 ёшли ҳужумчи 96-дақиқада "қайчи" усулида ажойиб гол урди.

Жезушнинг сўзларига кўра, "Криштиану ҳақиқатан ҳам фантастик гол урди – айнан ўшандай голни у аввалроқ Ювентусга қарши ўйинда ҳам урган эди. Унинг майдондаги ва майдон ташқарисидаги ҳиссасини ортиқча баҳолашнинг иложи йўқ." Криштиану Роналдунинг бутун фаолияти давомида 954 та голи бор.

Саудия лигаси тўпурарлар рўйхатида у фақатгина жамоа шериги ва ватандоши Жоау Фелишдан орқада қолмоқда – 10 голга қарши 11 гол.