Роналдунинг опаси танқидчиларга жавоб берди

Криштиану Роналдунинг опаси Катя Авейру футболчининг АҚШ президенти Дональд Трамп томонидан Оқ уйда ташкил этилган кечки овқатда иштирок этгани учун қаратиладиган танқидларга кескин жавоб қайтарди. Катя Авейру танқидчиларни қаттиқ танқид қилиб, унинг акаси ҳар доим фақат ўз меҳнати орқали муваффақиятга эришганини таъкидлади.

Унга кўра, Роналдунинг сиёсий қарашлари, партияларнинг таъсири ёки олдиндан тайёрланган нутқлари бу муваффақиятга таъсир қилмаган. Авейру Роналдунинг ташрифига бўлган муносабатни ҳаддан ташқари ошириб юборилган ва оммавий ҳистерияга ўхшатди.

У танқидчилар футболчининг шахсий эркинлигини оддий бир ифодасини жиддий қоидабузарлик ёки “жиноят” сифатида қабул қилаётганини айтди. "Сизлар иккиюзламачисиз.

Ташриф ортидан бошланиб кетган ҳистерия жуда кучли ва қўрқинчли даражада бўлди. Гўё Криштиану дунёнинг охирини эълон қилгандек.

Бу даражада ошириб юборилган реакцияни умумий хавотир сигнали билан адаштирса бўлади. Диққат!

Диққат! Роналду ўз шахсий эркинлигини намоён этди.

Такрорлайман, шахсий эркинликни", — деди Авейру A Bola нашрига берган интервьюсида. Шунингдек, Авейру Португалияда Роналдунинг айрим ҳаракатлари баъзи гуруҳларнинг кутилмаган реакцияларига сабаб бўлишида афсусда эканлигини айтиб ўтди.