Футболчи Гарри Поттерга ўхшагани учун судга берилди

Истанбулнинг "Фенербахче" клуби футболчиси Керем Актуркогʻлу Гарри Поттерга ўхшашлиги сабабли судга берилди. Бу ҳақда Sabah нашри хабар берди.

Керемга нисбатан даъвони АҚШнинг Warner Bros. компанияси киритди.

Сабаби, у гол нишонлаш вақтида ушбу коинотга оид ҳаракатларни такрорлаган. Бундан ташқари, ўзининг шахсий ижтимоий тармоқларида Warner Bros.га тегишли мусиқалардан фойдаланган.

Керем Актуркогʻлу Туркия миллий терма жамоаси аъзоси бўлиб, "Фенербахче"га 2025-йил ёзида қўшилган. 29 ёшли ярим ҳимоячи бунга қадар "Галатасарай", "Бенфика" ва бошқа клубларда тўп сурган.

2024-йилнинг ёзида унинг Москванинг "Спартак" клубига ўтиши ҳақида миш-мишлар тарқалган эди, бироқ трансфер амалга ошмаган.