Лукаку декабрь бошида майдонга қайтиши мумкин

Бельгия терма жамоаси ҳужумчиси Ромелу Лукакунинг жароҳатдан тикланиши кутилганидан яхшироқ кечмоқда. Антонио Конте уни декабрь ойи иккинчи ярмида, Италия Суперкубоги ўйинлари учун зарур бўлган вақтда майдонга қайтади деб ўйлаганди.

Бироқ, Неапол клуби тиббиёт хизмати берган сўнгги хабарларга кўра, Лукаку аллақачон декабрнинг дастлабки кунларидаёқ майдонга қайтиши мумкин. Бу "Наполи" учун айни муддао, чунки жамоа сўнгги вақтларда бир қатор муаммоларга дуч келмоқда.

Эслатиб ўтамиз, Лукаку мавсум бошланишидан олдин, "Олимпиакос"га қарши ўртоқлик ўйинида жароҳат олган эди.